நிவா் புயல் எதிரொலி: 24 ரயில்கள் இன்று ரத்து

‘நிவா்’ புயல் காரணமாக, தென் மாவட்டங்களில் இயக்கப்படும் சிறப்பு ரயில்கள் புதன்கிழமை (நவ.25) மட்டும் ரத்து செய்யப்பட்டுள்ளன. அதன்படி, மொத்தம் 24 ரயில்கள் ரத்து செய்யப்படுகின்றன.
கோப்புப்படம்
கோப்புப்படம்

‘நிவா்’ புயல் காரணமாக, தென் மாவட்டங்களில் இயக்கப்படும் சிறப்பு ரயில்கள் புதன்கிழமை (நவ.25) மட்டும் ரத்து செய்யப்பட்டுள்ளன. அதன்படி, மொத்தம் 24 ரயில்கள் ரத்து செய்யப்படுகின்றன.

வங்கக் கடலில் உருவாகியுள்ள ‘நிவா்’ புயல், அதி தீவிர புயலாக காரைக்கால்-மாமல்லபுரம் இடைப்பட்ட பகுதியில் புதுச்சேரி அருகில் புதன்கிழமை மாலை கரையைக் கடக்கும் என்று தெரிவிக்கப்பட்டுள்ளது. இதன் காரணமாக, தென் மாவட்டங்களுக்கு இயக்கப்படும் ரயில்களை புதன்கிழமை (நவ.25) ஒருநாள் மட்டும் ரத்து செய்து தெற்கு ரயில்வே அறிவித்துள்ளது.

அவற்றின் விவரம்: சென்னை எழும்பூா்-மதுரை- சென்னை எழும்பூா் சிறப்பு ரயில் (வண்டி எண்: 02613/02614) , மதுரை-எழும்பூா்-மதுரை சிறப்பு ரயில் (02636/02635), எழும்பூா்-காரைக்குடி-எழும்பூா் சிறப்பு ரயில் (02605/02606) , எழும்பூா்-செங்கோட்டை-எழும்பூா் சிறப்பு ரயில் (02661/02662) ஆகியவை புதன்கிழமை ரத்து செய்யப்படுகின்றன.

இதுபோல, திருநெல்வேலி-எழும்பூா்-திருநெல்வேலி சிறப்பு ரயில் (02632/02631) , தூத்துக்குடி-எழும்பூா்-தூத்துக்குடி சிறப்பு ரயில்(02694/02693) , எழும்பூா்-கன்னியாகுமரி-எழும்பூா் சிறப்பு ரயில் (02633/02634) , எழும்பூா்-கொல்லம்-எழும்பூா் சிறப்பு ரயில் (06723/06724) , ராமேஸ்வரம்-எழும்பூா்-ராமேஸ்வரம் சிறப்பு ரயில் (02206/02205) , எழும்பூா்-கொல்லம்-எழும்பூா் சிறப்பு ரயில் (06101/06102) ஆகிய ரயில்கள் ரத்து செய்யப்பட்டுள்ளன.

இதுதவிர, மதுரை-எழும்பூா்-மதுரை சிறப்பு ரயில் (02653/02654), சென்னை எழும்பூா்-திருச்சி- எழும்பூா் சிறப்பு ரயில் (02653/02654) என்று மொத்தம் 24 சிறப்புரயில்கள் ரத்து செய்யப்படுகின்றன.

பகுதி ரத்து: இதுதவிர, புதுச்சேரி-ஹௌராவுக்கு புதன்கிழமை (நவ.25) இயக்கப்படும் சிறப்பு ரயில் புதுச்சேரி-காட்பாடி இடையே பகுதி ரத்து செய்யப்படுகிறது. இந்த ரயில் காட்பாடியில் இருந்து ஹௌராவுக்கு புறப்படும். இந்தத் தகவல் தெற்கு ரயில்வே செய்திக்குறிப்பில் தெரிவிக்கப்பட்டுள்ளது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

Related Stories

No stories found.
Dinamani
www.dinamani.com