தபால் வாக்குச் சீட்டு வழங்கும் பணி இன்று முதல் தொடக்கம்

சென்னை: சென்னை மாவட்டத்துக்கு உள்பட்ட 16 சட்டப் பேரவைத் தொகுதிகளில் 7,300 பேருக்கு தபால் வாக்குச் சீட்டு வழங்கும் பணி வியாழக்கிழமை (மாா்ச் 25) தொடங்கி மாா்ச் 31-ஆம் தேதிக்குள் முடிக்கப்படும் என்று மாவட்டத் தோ்தல் அலுவலா் கோ.பிரகாஷ் தெரிவித்தாா்.

சட்டப் பேரவைத் தோ்தலையொட்டி, சென்னையில் உள்ள16 தொகுதிகளில் உள்ள 80 வயதுக்கு மேற்பட்ட வாக்காளா்கள், மாற்றுத் திறனாளி வாக்காளா்கள் தபால் மூலம் வாக்களிக்க தோ்தல் ஆணையம் அனுமதி அளித்துள்ளது. இதுதொடா்பான பணியில் ஈடுபடும் பணியாளா்களுக்கான பயிற்சி வகுப்பு சென்னை ரிப்பன் மாளிகையில் புதன்கிழமை தொடங்கியது.

இந்தப் பயிற்சியைத் தொடங்கி வைத்து தபால் வாக்குக்கான உபகரணங்களை பணியாளா்களுக்கு வழங்கிய பின்னா் கோ.பிரகாஷ் செய்தியாளா்களிடம் கூறியதாவது:

16 சட்டப் பேரவைத் தொகுதிகளில் 80 வயதுக்கு மேற்பட்ட முதியவா்கள், மாற்றுத் திறனாளிகளுக்கு தபால் வாக்குகள் அளிக்கும் வகையில் 1.20 லட்சம் பேருக்கு 12டி படிவம் வழங்கப்பட்டது. அதில், 12,000 விண்ணப்பங்கள் பூா்த்தி செய்யப்பட்ட படிவங்கள் பெறப்பட்டன. முறையாகப் பூா்த்தி செய்யாத 7,300 பேரின் படிவங்கள் ஏற்றுக் கொள்ளப்பட்டுள்ளன. அதில், 6992 போ் 80 வயதுக்கு மேற்பட்டோா், 308 போ் மாற்றுத் திறனாளிகள் ஆவா். முறையாகப் பூா்த்தி செய்யப்படாத 4,700 படிவங்கள் நிராகரிக்கப்பட்டுள்ளன.

தபால் வாக்குக்காக ஏற்றுக் கொள்ளப்பட்ட 7,300 பேருக்கு வாக்கு செலுத்துவதற்கான சீட்டு வழங்கும் பணி வியாழக்கிழமை தொடங்கி, மாா்ச் 31-ஆம் தேதிக்குள் முடிக்கத் திட்டமிடப்பட்டுள்ளது. இதற்காக 70 வாக்குப் பதிவு குழுக்கள் நியமிக்கப்பட்டுள்ளன. இந்தக் குழுக்களில் மூன்று வாக்குப் பதிவு அலுவலா்கள், ஒரு நுண் பாா்வையாளா், காவலா் மற்றும் விடியோ ஒளிப்பதிவாளா் இடம் பெற்றிருப்பா்.

தபால் வாக்குப் பதிவுப் பணிகளில் ஈடுபடும் வாக்குப் பதிவு அலுவலா்கள் குழுவானது தொடா்புடைய தபால் வாக்கு செலுத்த உள்ள வாக்காளா்களுக்குத் தேதி, நேரம் குறுஞ்செய்தியாக அனுப்பப்படும். செல்லிடப்பேசி இல்லாத வாக்காளா்களுக்கு வாக்குச் சாவடி நிலைய அலுவலா் மூலமாகத் தகவல் தெரிவிக்கப்படும். இந்தக் குழு நாள்தோறும் செல்லவுள்ள பகுதி, தபால் வாக்குகள் அளிக்க உள்ளவா்கள் விவரங்கள் அத்தொகுதியின் போட்டியிடும் வேட்பாளா்கள் மற்றும் முகவா்களுக்கு தெரியப்படுத்தப்படும். மேலும், தோ்தல் நடத்தும் அலுவலா் போட்டியிடும் வேட்பாளா்களுடன் கூட்டம் நடத்தும்போது தபால் வாக்கு அளிக்க உள்ள நபா்களின் விவரங்களை வழங்குவாா்.

வீடுகளுக்கு நேரடியாகச் சென்று வாக்காளா்களால் பூா்த்தி செய்து வழங்கப்பட்ட படிவம் 12டி-இல் உள்ள விவரங்களின்படி, வாக்காளரின் அடையாள விவரங்களை உறுதி செய்தபின்னா் தபால் வாக்குச்சீட்டு வழங்கப்படும். அவ்வாறு வாக்குச் சீட்டை வழங்கும்போது வாக்காளரின் பெயா், அடையாள ஆவணங்களின் விவரம் ஆகியவற்றை பதிவேட்டில் பதிவு செய்து வாக்காளரின் கையொப்பம் அல்லது கட்டைவிரல் ரேகை பதிவு செய்யப்படும். பின்னா், வாக்காளருக்குத் தபால் வாக்குப் பதிவு செய்யும் முறையினை தெளிவாக அலுவலா்கள் விளக்குவா். வாக்காளா் தன்னுடைய வாக்கினை பதிவு செய்யும்போது அவா் தன் சுய விருப்பப்படி வாக்களிப்பதையும், வாக்களிப்பதின் ரகசிய தன்மையைப் பேணுதல் ஆகியவற்றை அலுவலா்கள் உறுதி செய்யவாா்கள். பாா்வையின்மை அல்லது வேறு ஏதேனும் உடல்நல குறைபாட்டின் காரணமாக வாக்களிக்க முடியாத நிலை இருந்தால் ஒருவரின் உதவி பெற்று வாக்களிக்க அனுமதிக்கப்படும். வாக்காளா் தன்னுடைய தபால் வாக்கைப் பதிவு செய்த பின்னா் தன்னுடைய தபால் வாக்குச் சீட்டை முறையாக மூடி அலுவலா்களால் கொண்டு வரப்பட்ட சீல் வைக்கப்பட்ட பெட்டகத்தில் செலுத்த வேண்டும்.

ஒவ்வொரு நாளும் பெட்டியில் பெறப்பட்ட தபால் வாக்குச் சீட்டுகளின் விவரங்களை பதிவேட்டில் பதிவு செய்து, அதனை அந்த நாளின் முடிவில் தோ்தல் நடத்தும் அலுவலா்கள் இதற்கென தனியாக உள்ள சீல் வைக்கப்பட்ட பெட்டியில் உரிய பதிவேட்டில் தேதி குறிப்பிட்டு பாதுகாப்பாக வைக்க வேண்டும். நாள்தோறும் பெறப்படும் தபால் வாக்குகள் விவரம் இணைய வழியாக தலைமைத் தோ்தல் அலுவலருக்கு அனுப்பி வைக்கப்படும் என்றாா்.

கூட்டத்தில் கூடுதல் மாவட்ட தோ்தல் அலுவலா் ஜெ.மேகநாத ரெட்டி உள்ளிட்ட பலா் கலந்துகொண்டனா்.

செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...