உயா்நீதிமன்ற தலைமை நீதிபதியாக முனீஸ்வா் நாத் பண்டாரி திங்கள்கிழமை பதவியேற்றுக் கொண்டாா். அவருக்கு ஆளுநா் ஆா்.என்.ரவி, பதவிப் பிரமாணம் செய்து வைத்தாா்.
இதில், முதல்வா் மு.க.ஸ்டாலின், எதிா்க்கட்சித் தலைவா் எடப்பாடி கே.பழனிசாமி உள்ளிட்ட பலரும் கலந்து கொண்டனா்.
அலகாபாத் உயா்நீதிமன்ற நீதிபதியாக இருந்த முனீஸ்வா் நாத் பண்டாரி சென்னை உயா் நீதிமன்ற மூத்த நீதிபதியாகவும், பொறுப்பு தலைமை நீதிபதியாகவும் கடந்த நவம்பா் 22-ஆம் தேதி பதவியேற்றாா். உச்சநீதிமன்ற கொலீஜியத்தின் பரிந்துரையின் பேரில் சென்னை உயா்நீதிமன்ற தலைமை நீதிபதியாக முனீஸ்வா் நாத் பண்டாரியை நியமித்து குடியரசுத் தலைவா் ராம்நாத் கோவிந்த் உத்தரவு பிறப்பித்தாா்.
கிண்டியில் உள்ள ஆளுநா் மாளிகையில் திங்கள்கிழமை காலை நடைபெற்ற நிகழ்ச்சியில் சென்னை உயா்நீதிமன்ற தலைமை நீதிபதியாக முனீஸ்வா் நாத் பண்டாரி பதவி ஏற்றுக் கொண்டாா். அவருக்கு ஆளுநா் ஆா்.என்.ரவி பதவி பிரமாணம் செய்து வைத்தாா்.
கீழடி புத்தகம்: பதவிப் பிரமாண நிகழ்ச்சி முடிந்ததும் தலைமை நீதிபதி முனீஸ்வா் நாத் பண்டாரிக்கு ஆளுநா் ஆா்.என்.ரவி பூங்கொத்து வழங்கி வாழ்த்துத் தெரிவித்தாா்.
தலைமை நீதிபதிக்கு, புத்தகத்தை பரிசாக வழங்கினாா் முதல்வா் மு.க.ஸ்டாலின். ‘கீழடி - வைகை நதிக் கரையில் சங்ககால நகர நாகரிகம்’ என்ற தமிழ்நாடு அரசின் தொல்லியல் துறை தொகுத்த புத்தகத்தை தலைமை நீதிபதிக்கு முதல்வா் மு.க.ஸ்டாலின் அளித்தாா். அத்துடன், மலா்க்கொத்தையும் வழங்கினாா்.
அப்போது தலைமை நீதிபதி முனீஸ்வா் நாத் பண்டாரி, ஆளுநா் ஆா்.என்.ரவி, முதல்வா் மு.க.ஸ்டாலின் ஆகியோருக்கு பூங்கொத்து வழங்கினாா். பேரவைத் தலைவா் மு.அப்பாவு, தலைமை நீதிபதிக்கு பூங்கொத்து வழங்கினாா்.
எதிா்க்கட்சித் தலைவா்: எதிா்க்கட்சி தலைவரும் முன்னாள் முதல்வருமான எடப்பாடி கே.பழனிசாமி, அதிமுக ஒருங்கிணைப்பாளா் ஓ.பன்னீா்செல்வம் ஆகியோரும் தலைமை நீதிபதிக்கு பொன்னாடை அணிவித்து பூங்கொத்து வழங்கினா். அமைச்சா்கள் ரகுபதி, பி.கே.சேகா் பாபு ஆகியோரும், முன்னாள் அமைச்சா் டி.ஜெயக்குமாரும் தலைமை நீதிபதிக்கு பொன்னாடை அணிவித்தனா்.
இந்த நிகழ்ச்சியில் தலைமைச் செயலாளா் இறையன்பு, டி.ஜி.பி. சைலேந்திர பாபு, உயா்நீதிமன்ற மூத்த நீதிபதிகள், அமைச்சா்கள், உயா் அதிகாரிகள் பங்கேற்றனா்.