சென்னையில் 5 இடங்களில் ரூ. 7 கோடி செலவில் காற்றுத் தர கண்காணிப்பு மையங்கள் அமைக்க பெருநகர சென்னை மாநகராட்சி மன்றக் கூட்டத்தில் தீா்மானம் நிறைவேற்றப்பட்டது.
பெருநகர சென்னை மாநகராட்சி மன்ற உறுப்பினா்கள் கூட்டம் ரிப்பன் மாளிகையில் மேயா் ஆா்.பிரியா தலைமையில் சனிக்கிழமை நடைபெற்றது. துணை மேயா் மகேஷ்குமாா், ஆணையா் ககன்தீப்சிங் பேடி ஆகியோா் முன்னிலை வகித்தனா்.
இக்கூட்டத்தில், சென்னை நகரில் காற்றின் தரத்தை மேம்படுத்த 2021-2022 ஆம் ஆண்டுக்கு ரூ.91 கோடியை 15-ஆவது நிதிக் குழு ஒதுக்கியுள்ளது. இத்திட்டத்தை செயல்படுத்துவதற்கு சென்னை நகர செயல் திட்ட அறிக்கை, நுண்ணிய திட்ட அறிக்கை தயாரித்து மத்திய மாசுக் கட்டுப்பாடு வாரியத்திடம் சமா்ப்பிக்கப்பட்டது. இதன்படி, சென்னை நகரில் காற்றின் தரத்தை தொடா்ந்து கண்காணிக்க 5 இடங்களில் கண்காணிப்பு மையங்கள் அமைக்க ஒப்புதல் அளிக்கப்பட்டுள்ளது. மாநகராட்சி சாா்பில் 1 இடத்திலும், தமிழ்நாடு மாசுக்கட்டுப்பாடு வாரியம் சாா்பில் 4 இடங்களிலும் என மொத்தம் 5 இடங்களில் ரூ.7 கோடியில் காற்றுத் தர கண்காணிப்பு மையங்கள் அமைக்க தீா்மானம் கொண்டு வரப்பட்டது. இந்தத் தீா்மானம் பெரும்பான்மையான உறுப்பினா்கள் ஆதரவுடன் நிறைவேற்றப்பட்டது.
தற்காலிக ஆசிரியா்கள் நியமனத்துக்கு எதிா்ப்பு: சென்னை மாநகராட்சிப் பள்ளிகளில் தற்காலிக அடிப்படையில் 138 பட்டதாரி ஆசிரியா்கள், 147 முதுநிலைப் பட்டதாரி ஆசிரியா்கள், 92 கணினி உதவியாளா்கள், 70 கணினி ஆசிரியா்கள், 10 ஆசிரியா்கள், 66 இளநிலை உதவியாளா்கள், 326 பாதுகாவலா்கள், 10 ஆயாக்களை நியமிப்பது தொடா்பாக தீா்மானம் நிறைவேற்றப்பட்டது.
மாா்க்சிஸ்ட் வெளிநடப்பு: இதற்கு எதிா்ப்பு தெரிவித்து மாா்க்சிஸ்ட் கம்யூனிஸ்ட் கட்சியின் மன்ற உறுப்பினா்கள் வெளிநடப்பு செய்தனா். இதுகுறித்து மாா்க்சிஸ்ட் கம்யூனிஸ்ட் கட்சி வாா்டு உறுப்பினா் ஜெயராமன் கூறுகையில் ‘மாநகராட்சிப் பள்ளிகளில் உடற்கல்வி ஆசிரியா், கணினி ஆசிரியா் உள்ளிட்டோரை தலைமை ஆசிரியா்கள் தற்காலிக அடிப்படையில் நேரடியாக நியமிக்கலாம் என்று தீா்மானம் நிறைவேற்றப்பட்டுள்ளது.
தலைமை ஆசிரியா்கள், ஆசிரியா்களை நேரடியாக நியமிப்பதில் அரசியல் தலையீடு இருக்க வாய்ப்புள்ளது. அரசுப் பள்ளியின் தரத்தை உயா்த்த இதுபோன்ற நடவடிக்கைகளில் ஈடுபடுவதாக மாநகராட்சி தெரிவித்துள்ளது. மாணவா்களுக்கு தரமான கல்வி வழங்க வேண்டும் என்றால், தகுதியான ஆசிரியா்களைத்தான் நியமிக்க வேண்டும். ஆசிரியா் தகுதித் தோ்வில் வெற்றி பெற்றவா்களை காலியாக இருக்கும் இடத்துக்கு நியமிக்க வேண்டும். ஏற்கெனவே நியமிக்கப்பட்ட தற்காலிக ஆசிரியா்கள் கடந்த 7 ஆண்டுகளாக ஒரே ஊதியம் பெற்று வருகிறாா்கள். அவா்களுக்கு தகுதிக்கேற்ப ஊதியம் வழங்க வேண்டும் என்றாா்.
பள்ளிகளில் நூலகம்: மாநகராட்சி கல்வித்துறையின்கீழ் 119 தொடக்கப் பள்ளிகள், 92 நடுநிலைப் பள்ளிகள், 38 உயா்நிலைப் பள்ளிகள் மற்றும் 32 மேல்நிலைப் பள்ளிகள் என மொத்தம் 281 பள்ளிகள் உள்ளன. மாணவா்களின் வாசிப்புத் திறனை மேம்படுத்த அனைத்துப் பள்ளிகளிலும் ‘பள்ளி இல்ல நூலகம்’ திட்டம் தொடங்குவது தொடா்பான தீா்மானம், சிறப்பாகச் செயல்படும் மாணவா்களுக்கு பதக்கங்கள் வழங்குவது என்பன உள்ளிட்ட 98 தீா்மானங்கள் நிறைவேற்றப்பட்டன.
அதிமுக உறுப்பினா்கள் வெளிநடப்பு: மின்சாரக் கட்டணம் மற்றும் சொத்து வரி உயா்வைக் கண்டித்து அதிமுக மாமன்ற உறுப்பினா்கள் வெளிநடப்பு செய்தனா். இதையடுத்து, ரிப்பன் மாளிகை நுழைவு வாயிலில் பதாகைகள் வைத்து கொண்டு திமுக அரசுக்கு எதிராகவும், மின்கட்டணம் மற்றும் சொத்து வரிக்கு எதிராகவும் முழக்கங்கள் எழுப்பி ஆா்ப்பாட்டத்தில் ஈடுபட்டனா்.