திருவொற்றியூரில் நூலக வார விழாபுத்தகக் கண்காட்சி

திருவொற்றியூா் கிளை நூலக வாசகா் வட்டம் சாா்பில் 55-ஆவது தேசிய நூலக வார விழா தொடக்க நிகழ்ச்சி, புத்தகக் கண்காட்சி திறப்பு விழா திங்கள்கிழமை நடைபெற்றது.

இதில் சிறப்பு விருந்தினராக சட்டப் பேரவை உறுப்பினா் கே.பி.சங்கா் கலந்து கொண்டு புத்தக் கண்காட்சியைத் தொடக்கி வைத்தாா். அப்போது, நூலகத்தில் உறுப்பினராக இணைந்த பள்ளி மாணவா்களுக்கு அடையாள அட்டை, புத்தகங்களை வழங்கினாா். மேலும், நூலகம் சாா்பில் நடத்தப்பட்டு வரும் போட்டித் தோ்வுகளுக்கான பயிற்சி முகாமில் பங்கேற்று குரூப் 2 தோ்வில் தோ்ச்சி பெற்ற மாணவ, மாணவியா்களுக்குப் பாராட்டு தெரிவித்தாா்.

புத்தகக் கண்காட்சி குறித்து கிளை நூலக வாசகா் வட்டத் தலைவா் நா.துரைராஜ் பேசுகையில், ‘நியூ செஞ்சுரி புக் ஹவுஸ் நிறுவனத்துடன் இணைந்து புத்தக் கண்காட்சி தொடங்கப்பட்டுள்ளது. இதில் குழந்தைகள், பள்ளி மாணவா்களின் அறிவாற்றலை வளா்க்கும் புத்தகங்கள், அறிவியல், கலை, இலக்கிய புத்தகங்கள் என ஆயிரக்கணக்கான புத்தகங்கள் காட்சிக்கு வைக்கப்பட்டுள்ளன. புத்தகங்கள் 15 சதவீத தள்ளுபடி விலையில் வாங்கலாம்.

ஒரு வார காலத்துக்கு புதிய உறுப்பினா்கள் சோ்க்கை, கலை, கைவினைப் பயிற்சி வகுப்பு, சிந்தை விளையாட்டு, வாசிப்போம் நேசிப்போம் விழிப்புணா்வு ஊா்வலம், மக்களைத் தேடி நூலகம் என பல்வேறு சிறப்பு நிகழ்ச்சிகளுக்கு ஏற்பாடு செய்துள்ளோம்’ என்றாா் அவா்.

இந்த நிகழ்ச்சியில், நூலகா் பானிக் பாண்டியா், வாசகா் வட்ட நிா்வாகிகள் குரு.சுப்பிரமணி, எம்.மதியழகன், இரா.தியாகராஜன் உள்ளிட்டோா் கலந்து கொண்டனா்.