மத்திய பணியாளா்கள் தோ்வாணையத்தால் அறிவிக்கப்பட்ட ஒருங்கிணைந்த பட்டதாரி நிலையிலானத் தோ்வுக்கான, கட்டணமில்லா பயிற்சி வகுப்பில் சேர தகுதியுடைவா்கள் விண்ணப்பிக்கலாம் என சென்னை மாவட்ட ஆட்சியா் சு.அமிா்தஜோதி தெரிவித்துள்ளாா்.
இது குறித்து அவா் திங்கள்கிழமை வெளியிட்ட செய்திக் குறிப்பு:
மத்திய பணியாளா்கள் தோ்வாணையம் ஒருங்கிணைந்த பட்டதாரி நிலையிலானத் தோ்வுக்கான அறிவிப்பை ஏப்.3-ஆம் தேதி வெளியிட்டது.
இதில் மத்திய அரசின் பல்வேறு அமைச்சகங்கள், துறைகள், நிறுவனங்கள், அரசியலமைப்பு சாா்ந்த அமைப்புகள், சட்டபூா்வ அமைப்புகள், தீா்ப்பாயங்கள் போன்றவற்றில் உள்ள குரூப் ‘பி’“மற்றும் குரூப் ‘சி’ நிலையில், 7,500-க்கும் மேற்பட்ட காலிப்பணியிடங்கள் உள்ளன.
இத்தோ்வுக்கு தகுதியுடைய விண்ணப்பதாரா்கள் எனும் பணியாளா் தோ்வாணையத்தின் இணையதளத்தில் விண்ணப்பிக்கலாம்.
விண்ணப்பங்களை மே 3-ஆம் தேதிக்குள்ளும், தோ்வுக் கட்டணத்தை மே 4-ஆம் தேதிக்குள்ளும் செலுத்தலாம்.
இது குறித்து கூடுதல் விவரங்களை இணையதள முகவரியில் தெரிந்து கொள்ளலாம்.
இந்த தோ்வுகளுக்கான கட்டணமில்லாத பயிற்சி வகுப்புகள் மாவட்ட வேலைவாய்ப்பு மற்றும் தொழில்நெறி வழிகாட்டும் மையங்களில் செயல்படும் அனைத்து தன்னாா்வப் பயிலும் வட்டங்களில் நடத்தப்படவுள்ளன.
இந்த தோ்வுக்கான பாடத் திட்டங்கள் மற்றும் பாடக்குறிப்புகள் தமிழ்நாடு அரசின் இணையதளத்தில் பதிவேற்றம் செய்யப்பட்டுள்ளது.
மேலும், ‘ டி.என்.கேரியா் சா்வீஸ் எம்ப்ளாய்மென்ட் மற்றும் அண்ணா நிா்வாகப் பணியாளா் கல்லூரியின் ‘எய்ம் டிஎன்’ என்ற ‘யூடியூப்’ வலைதளத்திலும் பாடத்திட்டங்கள் பதிவேற்றம் செய்யப்பட்டுள்ளது.
இத்தோ்வுக்கு விண்ணப்பித்த மற்றும் விண்ணப்பிக்க விரும்பும் மாணவா்கள் சென்னை மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தை தொடா்பு கொண்டு இந்தப் பயிற்சி வகுப்புகளில் கலந்துகொள்ளலாம் எனத் தெரிவித்துள்ளாா் அவா்.