பால் முகவா்கள் சங்கத்தின் தலைவராக சு.ஆ.பொன்னுசாமி மீண்டும் தோ்வு

சென்னை: சென்னையில் நடைபெற்ற பால் முகவா்கள் சங்கத்தின் பொதுக்குழு கூட்டத்தில் 2024-ஆம் ஆண்டுக்கான தலைவராக மீண்டும் சு.ஆ. பொன்னுசாமி தோ்வு செய்யப்பட்டாா்.

இது குறித்து தமிழ்நாடு பால் முகவா்கள், தொழிலாளா்கள் நலச் சங்கம் சாா்பில் வெளியிடப்பட்ட செய்தி:

தமிழ்நாடு பால் முகவா்கள், தொழிலாளா்கள் நலச் சங்கத்தின் பொதுக்குழு மற்றும் நிா்வாகக் குழு ஆலோசனைக் கூட்டம் சென்னை எருக்கஞ்சேரியில் உள்ள சக்தி பாலகத்தில் அண்மையில் நடைபெற்றது.

இக்கூட்டத்தில் அனைத்து நிா்வாகிகளின் ஒருமித்த ஆதரவுடன் பால் முகவா்கள் சங்கத்தின் மாநிலத் தலைவராக 17-ஆவது முறையாக சு.ஆ.பொன்னுசாமி தோ்வு செய்யப்பட்டாா்.

மாநில பொதுச் செயலராக மீண்டும் எஸ்.பொன்மாரியப்பன், மாநில பொருளாளராக எஸ்.வெங்கடேசப் பெருமாள், தமிழக ஒருங்கிணைப்பாளா்களாக எஸ்.எம்.குமாா், ஆவின் எஸ்.முருகன், துணை ஒருங்கிணைப்பாளராக எம்.சக்திவேல் ஆகியோா் தோ்வு செய்யப்பட்டனா்.

சங்கத்தின் தலைமை சட்ட ஆலோசகராக இருந்து வரும் சென்னை

உயா்நீதிமன்ற வழக்குரைஞா் தனசேகரன், இணை சட்ட ஆலோசகரான பிரபுதாஸ் ஆகியோா் மீண்டும் அப்பணியில் தொடா்வாா்கள் என முடிவு செய்யப்பட்டது.

மேலும், துணைத் தலைவா்கள், துணைச் செயலா்கள், இணைச் செயலா்கள் மற்றும் செயற்குழு உறுப்பினா்கள் உள்ளிட்ட மாநில நிா்வாகக்குழு உறுப்பினா்கள் வெள்ளிக்கிழமைக்குள் (அக்.27)தோ்வு செய்யப்படுவாா்கள் என அதில் தெரிவிக்கப்பட்டுள்ளது.