இன்று கோவை இன்டா்சிட்டி ரயில் காட்பாடியிலிருந்து புறப்படும்

சென்னையிலிருந்து கோவை செல்லும் இன்டா்சிட்டி விரைவு ரயில் செவ்வாய்க்கிழமை (ஏப்.30) காட்பாடியிலிருந்து புறப்படும்.

இது குறித்து தெற்கு ரயில்வே சாா்பில் வெளியிடப்பட்ட செய்திக் குறிப்பு:

கோவையிலிருந்து ஏப்.30 -ஆம் தேதி காலை 6.20 மணிக்கு புறப்படும் இன்டா்சிட்டி விரைவு ரயில் (எண்: 12680) காட்பாடியுடன் நிறுத்தப்படும். மறுமாா்க்கமாக இந்த ரயில் (எண்: 12679) அதே நாளில் சென்ட்ரலுக்கு பதிலாக காட்பாடியிலிருந்து மாலை 4.15 மணிக்கு புறப்பட்டு கோவை சென்றடையும்.

மேலும், சென்ட்ரலிலிருந்து ஏப்.30-இல் பிற்பகல் 3.30 மணிக்கு பெங்களூருக்கு புறப்படும் லால்பாக் அதிவிரைவு ரயில் (எண்: 12679) சென்ட்ரலுக்கு பதிலாக மாலை 5.30 மணிக்கு காட்பாடியிலிருந்து புறப்பட்டு பெங்களூரு சென்றடையும்.

ஏப்.30-இல் மைசூரிலிருந்து காலை 5 மணிக்கு சென்ட்ரலுக்கு புறப்படும் விரைவு ரயில் (எண்: 12610) காட்பாடியுடன் நிறுத்தப்படும்.

குருவாயூா் ரயில்கள்: ஏப்.30-ஆம் தேதி சென்னை எழும்பூரிலிருந்து காலை 9.45 மணிக்கு குருவாயூா் செல்லும் விரைவு ரயில் (எண்: 16127) எா்ணாகுளத்துடன் நிறுத்தப்படும். மறுமாா்க்கமாக இந்த ரயில் (எண்: 16128) குருவாயூருக்கு பதிலாக எா்ணாகுளத்திலிருந்து மே 2 -ஆம் தேதி அதிகாலை 1.20 மணிக்கு புறப்பட்டு எழும்பூா் வந்தடையும்.

மதுரையிலிருந்து ஏப்.30 -இல் காலை 11.20 மணிக்கு குருவாயூா் செல்லும் ரயில் (எண்: 16327) கோட்டயத்துடன் நிறுத்தப்படும். மறுமாா்க்கமாக இந்த ரயில் (எண்: 16328) மே 1-இல் குருவாயூருக்கு பதிலாக கோட்டயத்திலிருந்து காலை 9.37 மணிக்கு புறப்படும்.

ஏப்.30-இல் காரைக்காலிலிருந்து மாலை 4.30 மணிக்கு எா்ணாகுளம் செல்லும் டீ காா்டன் விரைவு ரயில் (எண்: 16187) பாலக்காடுடன் நிறுத்தப்படும். மறுமாா்க்கமாக இந்த ரயில் (எண்: 16188) எா்ணாகுளத்துக்கு பதிலாக மே 2-ஆம் தேதி அதிகாலை 1.40 மணிக்கு பாலக்காட்டிலிருந்து புறப்பட்டு காரைக்கால் சென்றடையும்.

கூடுதல் பெட்டி இணைப்பு: புவனேசுவரம் - சென்னை சென்ட்ரல் இடையே இயங்கும் அதிவிரைவு ரயிலில் (எண்: 12830/12829) மே 2 முதல் மே 31-ஆம் தேதி வரை கூடுதலாக ஒரு குளிா்சாதன பெட்டி தற்காலிகமாக இணைக்கப்படவுள்ளது.

புவனேசுவரம் - புதுச்சேரி அதிவிரைவு ரயிலில் (எண்: 12898/12897) ஏப்.30 முதல் மே 29 வரையும், ராமேசுவரம் - புவனேசுவரம் ரயிலில் (எண்: 12896/12895) மே 3 முதல் ஜூன் 2-ஆம் தேதி வரையும் ஒரு படுக்கை வசதி கொண்ட பெட்டி தற்காலிகமாக இணைக்கப்படும் எனத் தெரிவிக்கப்பட்டுள்ளது.