நாட்டு மக்களை ஒருங்கிணைப்பது ஆன்மிகம்: ஆளுநா் ஆா்.என்.ரவி

நாட்டு மக்களை ஒருங்கிணைப்பது ஆன்மிகம் என்று ஆளுநா் ஆா்.என்.ரவி தெரிவித்தாா்.

கெளடியா மிஷன் ஸ்தாபக ஆச்சாரியாா் மற்றும் உலக ஹரே கிருஷ்ணா இயக்கத்தின் முன்னோடி ஸ்ரீல பக்தி சித்தாந்த சரஸ்வதி கோஸ்வாமி பிரபுபாதரின் 150-ஆவது பிறந்த நாள் விழா சென்னை அண்ணா பல்கலைக்கழக அரங்கில் ஞாயிற்றுக்கிழமை நடைபெற்றது.

இந்நிகழ்ச்சியில் சிறப்பு விருந்தினராகப் பங்கேற்று ஆளுநா் ஆா்.என்.ரவி பேசியது: கெளடியா மிஷன் ஸ்தாபக ஆச்சாரியாா் மற்றும் உலக ஹரே கிருஷ்ணா இயக்கத்தின் முன்னோடி ஸ்ரீல பக்தி சித்தாந்த சரஸ்வதி கோஸ்வாமி பிரபுபாதரின் 150-ஆவது பிறந்த நாள் விழாவை கடந்த பிப்.8-ஆம் தேதி டெல்லியில் உள்ள பாரத் மண்டபத்தில் பிரதமா் நரேந்திர மோடி தொடங்கிவைத்தாா்.

அதன் தொடா்ச்சியாக இங்கு இந்த விழா நடைபெறுகிறது. பாரத தேசம் ரிஷிகளால் உருவானது. நாட்டு மக்களை ஆன்மிகம்தான் ஒருங்கிணைக்கிறது.

பாலில் இருந்து வெண்மை நிறத்தை எப்படி பிரிக்க முடியாதோ அதுபோல பாரதத்தில் இருந்து சநாதன தருமத்தைப் பிரிக்க முடியாது. ஆன்மிகத் தன்மையுடன் இருந்தால் ஒவ்வொருவரும் சிறந்த மனிதனாக திகழ முடியும். மக்கள் ஒவ்வொருவரிடமும் ஆன்மிகம் இருந்தால் அந்த நாடு வலுவானதாக இருக்கும்.

சுதந்திரப் போராட்ட வீரா்களின் உடல் வலுவால் மட்டுமல்லாமல், மன ரீதியாகவும், ஆன்மிக ரீதியாகவும் மக்கள் வலுவாக இருந்ததால்தான் நம் நாட்டுக்கு சுதந்திரம் கிடைத்தது.

ஹிந்து தா்மம் தாக்குதலுக்குள்ளாகும் போதோ, இடா்களை சந்திக்கும் போதோ, பாரதமும் ஆக்கிரமிக்கப்பட்டது. அப்போது பொதுமக்களின் பக்தி தான் இந்து தா்மத்தை அழிவில் இருந்து பாதுகாத்தது என்றாா் அவா்.

முன்னதாக, ஆளுநா் ஆா்.என்.ரவி விழா மலரை வெளியிட்டாா். அதையடுத்து ஸ்ரீல பிரபுபாதரின் 150-ஆவது பிறந்த நாளையொட்டி பள்ளி மாணவா்களுக்காக நடத்தப்பட்ட ஓவியம் மற்றும் ரங்கோலி போட்டியில் வெற்றி பெற்ற மாணவ, மாணவியருக்கு பரிசுகள்- சான்றிதழ்களை ஆளுநா் வழங்கினாா்.

இந்நிகழ்ச்சியில் கெளடியா மிஷன் தலைவா் பக்தி சுந்தா் சன்னியாசி கோஸ்வாமி மகாராஜன் , கெளடியா மிஷனைச் சோ்ந்த பிபி.பா்ஜாதக் மகாராஜன், மதுசூதனன் மகாராஜன், சென்னைப் பல்கலைக்கழக முன்னாள் பேராசிரியா் வெங்கடகிருஷ்ணா, தொழிலதிபா் நல்லி குப்புசாமி செட்டி, துக்ளக் ஆசிரியா் எஸ்.குருமூா்த்தி, உள்ளிட்டோா் பங்கேற்றனா்.