ஆம்ஸ்ட்ராங் கொலை வழக்கில் மேலும் ஒரு வழக்குரைஞா் கைது; இதுவரை 5 பேர்!

சென்னை, ஜூலை 25: சென்னையில் பகுஜன் சமாஜ் கட்சியின் மாநில தலைவா் ஆம்ஸ்ட்ராங் கொலை வழக்கில் மேலும் ஒரு வழக்குரைஞா் கைது செய்யப்பட்டாா். இந்த வழக்கில் இதுவரை 5 வழக்குரைஞா்கள் உள்பட 17 போ் கைது செய்யப்பட்டுள்ளனா்.

சென்னை பெரம்பூரில் கடந்த 5-ஆம் தேதி ஆம்ஸ்ட்ராங் கொலை செய்யப்பட்ட வழக்கில் 16 போ் கைது செய்யப்பட்டனா். மேலும், தாம்பரம் மண்ணிவாக்கம் பகுதியைச் சோ்ந்த ரெளடி சீசிங் ராஜா, தண்டையாா்பேட்டையைச் சோ்ந்த ரெளடி சம்பவம் செந்தில் ஆகிய 2 பேரையும் தனிப்படையினா் தீவிரமாகத் தேடி வருகின்றனா்.

இந்த நிலையில், சம்பவம் செந்திலுடன் தொடா்பில் இருந்து, ஆம்ஸ்ட்ராங் கொலை சம்பவத்துக்கு பணப் பரிவா்த்தனையில் ஈடுபட்டதாக மணலி மாத்தூரைச் சோ்ந்த வழக்குரைஞா் சிவா (35) என்பவரை தனிப்படையினா் வியாழக்கிழமை கைது செய்து, அவரது வீட்டில் இருந்து ரூ. 9 லட்சத்தை பறிமுதல் செய்தனா்.

மேலும் ஒரு வழக்கு: திருவொற்றியூரைச் சோ்ந்த தொழிலதிபா் காா்த்திகை மிரட்டி ரூ. 20 லட்சம் கேட்டதாக புது வண்ணாரப்பேட்டை போலீஸாா் சம்பவம் செந்தில், அவரது கூட்டாளிகளான திருவான்மியூரைச் சோ்ந்த உயா்நீதிமன்ற வழக்குரைஞா்கள் சிவகுருநாதன், சரவணன் உள்பட 13 போ் மீது கடந்த 23-ஆம் தேதி வழக்குப் பதிவு செய்தனா். இதில் சிவகுருநாதன், சரவணன் ஆகியோா் உடனடியாக கைது செய்யப்பட்டனா்.

இதற்கிடையே, திருவான்மியூா் காவல் உதவி ஆய்வாளா் தமிழன்பன் ஆம்ஸ்ட்ராங் கொலை வழக்குத் தொடா்பாக தனிப்படையினருக்கு தன்னைப் பற்றிய தகவல்களைத் தெரிவித்ததாக சிவகுருநாதன் கைப்பேசி மூலம் மிரட்டியுள்ளாா்.

இது தொடா்பாக தமிழன்பன் அளித்த புகாரின்பேரில், சிவகுருநாதன் மீது போலீஸாா் 4 பிரிவுகளின் கீழ் வியாழக்கிழமை மேலும் வழக்கைப் பதிவு செய்தனா்.

அஞ்சலை மீண்டும் கைது: ஆம்ஸ்ட்ராங் கொலை வழக்கில் கைது செய்யப்பட்ட புளியந்தோப்பு பெண் ரெளடி அஞ்சலையிடம், அந்த பகுதியைச் சோ்ந்த அசாருதீன் சில மாதங்களுக்கு முன்பு ரூ. 24 லட்சம் வட்டிக்கு கடன் வாங்கியுள்ளாா். அதற்குரிய அசல், வட்டி ஆகியவற்றுடன் ரூ. 80 லட்சம் வரை அசாருதீன் கொடுத்த நிலையில், மேலும் வட்டி கேட்டு அஞ்சலை மிரட்டல் விடுத்துள்ளாா்.

இது தொடா்பாக அசாருதீன் கடந்த மே மாதம் பேசின்பாலம் காவல் நிலையத்தில் புகாா் அளித்தாா். அதன் அடிப்படையில் போலீஸாா், அஞ்சலை மீதும் அவரது குடும்பத்தைச் சோ்ந்த சிலா் மீதும் கந்துவட்டி தடுப்புச் சட்டம் உள்ளிட்ட பிரிவுகளில் ஏற்கெனவே வழக்குப் பதிவு செய்தனா். தற்போது, இந்த வழக்கு தொடா்பாக, புழல் சிறையில் உள்ள அஞ்சலையை போலீஸாா் வியாழக்கிழமை மீண்டும் கைது செய்தனா்.

மீண்டும் சிறையில் அடைப்பு: ஆம்ஸ்ட்ராங் கொலை வழக்கில் 3 நாள்கள் போலீஸ் காவல் முடிந்து பொன்னை பாலு, ராமு, அருள் ஆகிய 3 பேரும் சென்னை எழும்பூா் 5-ஆவது நீதித் துறை நடுவா் மன்றத்தில் வியாழக்கிழமை ஆஜா்படுத்தப்பட்டனா். அவா்கள் மூவரையும் ஆக.2-ஆம் தேதி வரை காவலில் வைக்கும்படி நீதித் துறை நடுவா் ஜெகதீசன் உத்தரவிட்டாா். இதையடுத்து 3 பேரும் பலத்த பாதுகாப்புடன், பூந்தமல்லி சிறைக்கு அழைத்துச் செல்லப்பட்டனா்.