மனைவி பிரிந்த சோகம்: கணவா் தற்கொலை

சென்னை அருகே செம்மஞ்சேரியில் மனைவி பிரிந்து சென்ற சோகத்தில், கணவா் தூக்கிட்டு தற்கொலை செய்து கொண்டாா். செம்மஞ்சேரி நேரு தெருவைச் சோ்ந்தவா் கண்ணன் (38). பிளம்பா். திருமணமாகி ஓா் ஆண்டாகிறது. கண்ணன், அவா் மனைவி பவானி இடையே கருத்து வேறுபாடு ஏற்பட்டது. இதனால் பவானி, கடந்த வாரம் அவரது தாய் வீட்டுக்கு சென்றுவிட்டாா். இதன் பின்னா் சோகத்துடனும், விரக்தியுடனும் காணப்பட்ட கண்ணன், வெள்ளிக்கிழமை வீட்டில் யாரும் இல்லாத நேரத்தில் தூக்கிட்டு தற்கொலை செய்து கொண்டாா். செம்மஞ்சேரி போலீஸாா் வழக்குப் பதிந்து, விசாரணை செய்தனா்.