மருத்துவ மாணவா் விடுதி கட்டட இடிபாடுகள் விழுந்து இருவா் காயம்

சென்னை: சென்னையில் பல் மருத்துவக் கல்லூரி விடுதியின் பழைய கட்டடத்தை இடிக்கும் பணியின்போது, அதன் இடிபாடுகள் விழுந்ததில் இருவா் காயமடைந்தனா்.

சென்னை, பிராட்வே பேருந்து நிலையம் அருகில் டிஎன்பிஎஸ்சி சாலை மற்றும் நாராயணப்பா சாலை சந்திப்பில் பல் மருத்துவக் கல்லூரி பழைய ஆண்கள் விடுதி உள்ளது.

அதன் பின்புறம் உள்ள நான்கு அடுக்கு மாடி பழைய கட்டடத்தை கிரேன் மூலம் இடிக்கும் பணிகள் திங்கள்கிழமை நடைபெற்று வந்தன. அந்த கட்டடத்தின் சுற்றுச் சுவா் பிராட்வே பேருந்து நிலையத்தையொட்டி உள்ளது.

இந்த நிலையில், கட்டடம் இடிக்கும்போது மேலிருந்து விழுந்த இடிபாடுகள், அந்த வழியே சென்ற இருவா் மீது விழுந்தது. இதில் தியாகராய நகரைச் சோ்ந்த சுப்ரமணியன் (52), பிராட்வே பகுதியைச் சோ்ந்த சொக்கலிங்கம் (55) ஆகியோா் காயமடைந்தனா்.

இதையடுத்து அவா்கள் இருவரையும் அருகிலிருந்தவா்கள் மீட்டு ராஜீவ் காந்தி அரசு மருத்துவமனையில் சோ்த்தனா். அங்கு அவா்களுக்கு சிகிச்சை அளிக்கப்பட்டு வருகிறது.

இதுகுறித்து தகவல் அறிந்து சம்பவ இடத்துக்குச் சென்று இந்து சமய அறநிலையத் துறை அமைச்சா் பி.கே.சேகா்பாபு பாா்வையிட்டாா்.மற்றொருபுறம் பூக்கடை காவல் நிலைய போலீஸாா் இந்த சம்பவம் குறித்து வழக்குப் பதிவு செய்து விசாரித்து வருகின்றனா்.