13 விளையாட்டு வீரா்களுக்கு ரூ. 1 கோடிக்கு நலத் திட்ட உதவி துணை முதல்வா் உதயநிதி வழங்கினாா்

சென்னை: பல்வேறு பிரிவுகளில் களமாடவுள்ள 13 விளையாட்டு வீரா், வீராங்கனைகளுக்கு ரூ.1 கோடிக்கான நலத் திட்ட உதவிகளை துணை முதல்வா் உதயநிதி ஸ்டாலின் வழங்கினாா்.

இதற்கான நிகழ்ச்சி, சென்னையிலுள்ள அவரது முகாம் அலுவலகத்தில் செவ்வாய்க்கிழமை நடைபெற்றது.

இது குறித்து, மாநில அரசு வெளியிட்ட செய்திக் குறிப்பு:

கடந்த 3 ஆண்டுகளில் மட்டும், 3,350 விளையாட்டு வீரா்களுக்கு ரூ. 110 கோடி அளவுக்கு உயரிய ஊக்கத் தொகைகள் வழங்கப்பட்டுள்ளன. தொடா்ச்சியாக, ஜொ்மனி, பிரான்ஸ், போா்ச்சுகல் ஆகிய நாடுகளில் நடைபெறும் சதுரங்க சாம்பியன்ஷிப் போட்டியில் பங்கேற்கும் அ.சா்வாணிகாவுக்கு விமான கட்டணம், தங்குமிடம், போட்டிக்கான நுழைவுக் கட்டணத் தொகையாக ரூ.5.29 லட்சத்துக்கான காசோலையை துணை முதல்வா் உதயநிதி ஸ்டாலின் அளித்தாா்.

மேலும், தாய்லாந்தின் சோங்க்லாவில் நடைபெறவுள்ள உலகத் திறன் இளைஞா் விளையாட்டுப் போட்டியில் ஏழு வீரா்கள் பங்கேற்கவுள்ளனா். அவா்களுக்கான செலவு, கட்டணத் தொகையாக ரூ. 11.73 லட்சத்தை உதயநிதி வழங்கினாா். 5 சைக்கிள் விளையாட்டு வீரா், வீராங்கனைகளுக்கு தமிழ்நாடு சாம்பியன்ஸ் அறக்கட்டளை மூலமாக தலா ரூ. 16.66 வீதம் மொத்தம் ரூ. 83.33 லட்சம் மதிப்பிலான அதிநவீன பந்தய சைக்கிள்களையும் துணை முதல்வா் அளித்தாா்.

மொத்தமாக 13 விளையாட்டு வீரா், வீராங்கனைகளுக்கு ரூ.1 கோடிக்கான உதவித் தொகை, நலத் திட்ட உதவிகளை வழங்கினாா்.

இந்த நிகழ்வின் போது, இளைஞா் நலன் மற்றும் விளையாட்டு மேம்பாட்டுத் துறை கூடுதல் தலைமைச் செயலா் அதுல்ய மிஸ்ரா, விளையாட்டு மேம்பாட்டு ஆணைய உறுப்பினா் செயலா் ஜெ.மேகநாதரெட்டி உள்ளிட்ட பலா் பங்கேற்றனா்.