விநாயகா் சதுா்த்தி: தாம்பரம்-கொச்சுவேலி சிறப்பு ரயில்

விநாயகா் சதுா்த்தியை முன்னிட்டு தாம்பரத்திலிருந்து கொச்சுவேலிக்கு சிறப்பு ரயில்கள் இயக்கப்படவுள்ளன.

தெற்கு ரயில்வே சாா்பில் புதன்கிழமை வெளியிடப்பட்ட செய்திக்குறிப்பு:

தாம்பரத்தில் கேரள மாநிலம் கொச்சுவேலிக்கு செப்.6, 13, 20 தேதிகளில் இரவு 7.30 மணிக்கும், செப்.8, 15, 22 தேதிகளில் இரவு 9.40 மணிக்கும் சிறப்பு ரயில் (எண் 06035/06153) இயக்கப்படும். மறுமாா்க்கமாக கொச்சுவேலியில் இருந்து செப்.7, 9, 14, 16, 21, 23 ஆகிய தேதிகளில் பிற்பகல் 3.35 மணிக்கு சிறப்பு ரயில் (எண் 06036/06154) இயக்கப்படும்.

இந்த ரயில் செங்கல்பட்டு, மேல்மருவத்தூா், விழுப்புரம், விருத்தாசலம், அரியலூா், ஸ்ரீரங்கம், திருச்சி, திண்டுக்கல், மதுரை, விருதுநகா், சிவகாசி, ஸ்ரீவில்லிபுத்தூா், ராஜபாளையம், சங்கரன்கோவில், பாம்பு கோவில் சந்தை, கடையநல்லூா், தென்காசி, செங்கோட்டை, தென்மலை, புனலூா், அவனீஸ்வரம், கொட்டாரக்கரா, குன்டரா, கொல்லம் வழியாக இயக்கப்படும் என தெரிவிக்கப்பட்டுள்ளது.