செஞ்சிலுவைச் சங்க நிா்வாகிகள் 20 போ் போட்டியின்றி தோ்வு

இந்திய செஞ்சிலுவைச் சங்க சென்னை மாவட்டக் கிளைக்கான 20 செயற்குழு உறுப்பினா்கள், போட்டியின்றி தோ்வு செய்யப்பட்டனா்.

இந்திய செஞ்சிலுவைச் சங்க சென்னை மாவட்டக் கிளைக்கான செயற்குழு உறுப்பினா்கள் தோ்தல், டிச.20-இல் நடைபெறும் என்று அறிவிக்கப்பட்டது. இதையடுத்து டிச.1, 2 ஆகிய தேதிகளில் மொத்தம் 25 வேட்புமனுக்கள் பெறப்பட்டன. டிச.3- ஆம் தேதி வேட்புமனுக்கள் மீதான பரிசீலனை நடைபெற்றது.

உதவி தோ்தல் நடத்தும் அலுவலரும், ஆட்சியரின் நோ்முக உதவியாளருமான (பொது) முன்னிலையில் 25 வேட்புமனுக்களும் பரிசீலனை செய்யப்பட்டனது. இதில், தகுதியான 20 வேட்புமனுக்கள் மட்டும் ஏற்கப்பட்டன. பல்வேறு காரணங்களால் 5 உறுப்பினா்களின் வேட்புமனுக்கள் தள்ளுபடி செய்யப்பட்டன.

செயற்குழு உறுப்பினா் காலி இடங்களும், ஏற்கப்பட்ட வேட்புமனுக்களும் 20 ஆகவே இருப்பதால், 20 உறுப்பினா்களும் போட்டியின்றி தோ்வு செய்யப்படுவதாக மாவட்ட ஆட்சியா் ரஷ்மி சித்தாா்த் ஜகடே அறிவித்துள்ளாா்.