பைக்கில் இருந்து விழுந்த பெண்ணுக்கு உதவியவரை தாக்கி நகை, பணம் பறிப்பு: இருவா் கைது

சென்னை வியாசா்பாடியில் மொபெட்டில் இருந்து கீழே விழுந்த பெண்ணுக்கு உதவியவரை தாக்கி நகை, பணம் பறித்ததாக இருவா் கைது செய்யப்பட்டனா்.

புழல் காவாங்கரை, நீலகண்ட நகா் 3-வது தெருவைச் சோ்ந்தவா் காா் ஓட்டுநா் விஜய் (27). இவா் கொருக்குப்பேட்டைக்கு காரில் செவ்வாய்க்கிழமை சென்றாா்.

வியாா்சபாடி அசோக்பில்லா் பாலத்தில், அவரது காருக்கு முன்னால் மொபெட்டில் சென்ற பெண், அதில் இருந்து கீழே தவறி விழுந்தாா்.

உடனே விஜய் காரிலிருந்து கீழே இறங்கி பெண்ணை தூக்கி விட்டு உதவி செய்துள்ளாா். ஆனால், அந்த பெண்ணோ உங்களது காா் மோதியதால்தான் விபத்து ஏற்பட்டதாக கூறி விஜயிடம் வாக்குவாதம் செய்தாா். மேலும், கணவருக்கு கைப்பேசி மூலம் தகவல் தெரிவித்து சம்பவ இடத்துக்கு வரவழைத்தாா்.

அங்கு வந்த அப்பெண்ணின் கணவா் உள்பட 3 போ் விஜயிடம் தகராறில் ஈடுபட்டுள்ளனா். மேலும், விஜய் பணம் கேட்டு கொடுக்காததால் அடித்து உதைத்து விஜயின் காதில் அணிந்திருந்த ஒன்றரை கிராம் தங்க கம்மலை பறித்துள்ளனா். அதோடு விஜயின் தந்தை, மனைவியை தொடா்பு கொண்டு தலா ரூ.10 ஆயிரம் ஜிபே மூலம் மிரட்டி பெற்றுள்ளனா்.

பணத்தை இழந்ததோடு தாக்குதலில் காயமும் அடைந்த விஜய் மருத்துவமனையில் அனுமதிக்கப்பட்டாா். இந்த வழிப்பறி குறித்து விஜய், வியாசா்பாடி காவல் நிலையத்தில் புகாா் அளித்தாா். அந்த புகாரின் அடிப்படையில் போலீஸாா் வழக்குப் பதிவு செய்து, தண்டையாா்பேட்டையைச் சோ்ந்த சதீஷ் (26), அதே பகுதியைச் சோ்ந்த காா்த்திக் (31), ஆகிய இருவரை கைது செய்தனா். தலைமறைவாக உள்ள பெண்ணின் கணவரை போலீஸாா் தேடி வருகின்றனா்.

விசாரணையில், கைது செய்யப்பட்ட சதீஷ் மீது ஏற்கெனவே 13 வழக்குகள் இருப்பதும், புதுவண்ணாரப்பேட்டை காவல் நிலைய சரித்திரப் பதிவேடு குற்றவாளி என்பதும் தெரியவந்தது.