உயா்த்தப்பட்ட தகுதிச் சான்று கட்டணங்களை உடனடியாக ரத்து செய்ய வேண்டும் உள்ளிட்ட பல்வேறு கோரிக்கைகளை வலியுறுத்தி கடந்த 4 நாள்களாக நடைபெற்று வந்த கண்டெய்னா் லாரி உரிமையாளா் சங்கங்களின் வேலைநிறுத்தம் சனிக்கிழமை வாபஸ் பெறப்பட்டது.
பழைய லாரிகளைத் தொடா்ந்து இயக்குவதற்கான தகுதிச் சான்று கட்டணம் ரூ.850-இல் இருந்து ரூ.28,000-ஆக உயா்த்தப்பட்டுள்ளதையும், இணையவழியில்அபராதம் விதிக்கப்படுவதைக் கண்டித்தும் சென்னை, எண்ணூா் துறைமுகங்களில் இயங்கும் 14 கண்டெய்னா் லாரிகள் உரிமையாளா் சங்கங்கள் கூட்டாக இணைத்து கடந்த டிச.9-ஆம் தேதி நள்ளிரவு முதல் காலவரையற்ற வேலைநிறுத்த போராட்டத்தைத் தொடங்கின.
இதனால் சென்னை, எண்ணூா் காமராஜா், காட்டுப்பள்ளி ஆகிய துறைமுகங்களில் பணிகள் பாதிக்கப்பட்டன. சென்னை வடக்கு மண்டல போக்குவரத்து இணை ஆணையா் தலைமையில் அனைத்து தரப்பினா் பங்கேற்ற வெள்ளிக்கிழமை தண்டையாா்பேட்டையில் கலந்தாய்வுக் கூட்டம் நடைபெற்றது.
இதில் லாரி உரிமையாளா்களின் கோரிக்கைகள் குறித்து முறையாக அரசின் கவனத்துக்கு எடுத்துச் செல்லப்படும். தற்போதைக்கு வேலைநிறுத்தப் போராட்டத்தை உடனடியாகக் கைவிட வேண்டும் என இணை ஆணையா் அறிவுறுத்தினாா். மேலும், சென்னை துறைமுக நிா்வாகம் சாா்பில், வேலை நிறுத்தத்தைக் கைவிட்டு உடனடியாக லாரிகளை இயக்க வேண்டும். இல்லையெனில் துறைமுக நிா்வாக அவசர சட்டத்தின் நடவடிக்கை எடுக்கப்படும் என எச்சரிக்கை நோட்டீஸ் வெள்ளிக்கிழமை இரவு வெளியிடப்பட்டது.
இதையடுத்து அனைத்து சங்கங்களின் நிா்வாகிகள் பங்கேற்ற ஆலோசனைக் கூட்டம் சனிக்கிழமை நடைபெற்றது. இதில் 4 நாள்களாக நடைபெற்று வந்த வேலைநிறுத்தப் போராட்டம் தற்காலிகமாக கைவிடப்படுவதாகவும், தகுதிச் சான்று கட்டணத்தை நிரந்தரமாகக் கோரி சென்னை உயா்நீதிமன்றத்தில் தொடா்ந்த வழக்கு திங்கள்கிழமை விசாரணைக்கு வர உள்ளது எனவும் டிரெயிலா் உரிமையாளா் சங்கத்தின் செயலாளா் என்.மூா்த்தி தெரிவித்தாா்.
இதைத் தொடா்ந்து சனிக்கிழமை பகல் 12 மணி முதல் அனைத்து லாரிகளும் வழக்கம்போல் இயங்கத் தொடங்கின. இந்தச் சூழலில், துறைமுகங்களிலும், சரக்குப் பெட்டக நிலையங்களிலும் தேங்கிக் கிடக்கும் கண்டெய்னா்கள் ஓரிரு நாள்களில் எடுத்துச் செல்லப்படும் என்றும், ஓரிரு நாளில் இயல்பு நிலை திரும்பும் என்றும் எதிா்பாா்க்கப்படுகிறது.