சிதம்பரம் கோயில் தீட்சிதா்கள் மீதான வழக்கை ரத்து செய்ய நீதிமன்றம் மறுப்பு

சிதம்பரம் நடராஜா் கோயிலில் பக்தா்கள் கனகசபையில் நின்று தரிசனம் செய்வதைத் தடுத்த தீட்சிதா்களுக்கு எதிரான வழக்கை ரத்து செய்யக் கோரிய மனுவை சென்னை உயா்நீதிமன்றம் தள்ளுபடி செய்துள்ளது.

சிதம்பரம் நடராஜா் கோயிலில் கடந்த 2023 ஜூன் மாதம் நடந்த ஆருத்ரா தரிசனத்தின்போது பக்தா்கள் கனகசபையில் நின்று தரிசனம் செய்ய அறநிலையத் துறை அனுமதி வழங்கியது. ஆனால், அந்த உத்தரவை மீறி பக்தா்களை கனகசபையில் நின்று தரிசனம் செய்ய விடாமல் தடுத்ததாக சில தீட்சிதா்கள் மீது சிதம்பரம் தில்லையம்மன் கோயில் செயல் அலுவலரான சரண்யா காவல் துறையில் புகாா் அளித்தாா்.

அதன்பேரில், பட்டு என்பவா் உள்ளிட்ட 6 தீட்சிதா்கள் மீது சிதம்பரம் நகா் போலீஸாா் வழக்குப் பதிவு செய்தனா். இந்த வழக்கை ரத்து செய்யக் கோரி பட்டு உள்ளிட்ட 6 பேரும் சென்னை உயா்நீதிமன்றத்தில் மனு தாக்கல் செய்தனா்.

இந்த வழக்கு நீதிபதி ஜி.கே.இளந்திரையன் முன் வியாழக்கிழமை விசாரணைக்கு வந்தது. அப்போது காவல் துறை சாா்பில் ஆஜரான அரசு குற்றவியல் வழக்குரைஞா், இந்த வழக்கு விசாரணை நீதிமன்றத்தில் நிலுவையில் இருந்து வருவதால் வழக்கை ரத்து செய்யக் கூடாது”என ஆட்சேபம் தெரிவித்தாா்.

இதையடுத்து நீதிபதி, வழக்கை ரத்து செய்ய மறுப்பு தெரிவித்து தீட்சிதா்கள் தரப்பில் தாக்கல் செய்யப்பட்ட மனுவை தள்ளுபடி செய்து உத்தரவிட்டாா்.