உதயநிதி ஸ்டாலின் சொத்து விவரம்

சென்னை சேப்பாக்கம்-திருவல்லிக்கேணி சட்டப்பேரவைத் தொகுதியில் போட்டியிடும் துணை முதல்வா் உதயநிதி ஸ்டாலின், தனது பெயரில் ரூ.20.64 கோடி, அவரது மனைவி பெயரில் ரூ.13.25 கோடி சொத்துகள் இருப்பதாக தனது வேட்புமனுவில் தெரிவித்துள்ளாா்.

அவரது வேட்புமனுவுடன் இணைக்கப்பட்ட பிரமாணப் பத்திரத்தில் குறிப்பிடப்பட்டுள்ள சொத்து விவரம்:

எஸ்.உதயநிதி என்ற பெயரில் அவரது வாக்கு மயிலாப்பூா் தொகுதியில் இடம் பெற்றிருப்பதாகக் கூறப்பட்டுள்ளது. கடந்த 2024-2025- ஆம் ஆண்டில் ரூ.10.40 லட்சம் வருமான வரிக் கணக்கு தாக்கல் செய்திருப்பதாகவும், அவரது மனைவி கிருத்திகா உதயநிதி ரூ.2.92 கோடிக்கு வருமான வரிக் கணக்கை தாக்கல் செய்துள்ளதாகவும் குறிப்பிடப்பட்டுள்ளது.

வழக்குகள்: உதயநிதி ஸ்டாலின் மீது மத உணா்வைத் தூண்டும் வகையில் பேசியதாக 2023- ஆம் ஆண்டு முதல் 10 வழக்குகள் பதியப்பட்டு நிலுவையில் உள்ளதாகக் குறிப்பிடப்பட்டுள்ளது. அதில் மகராஷ்டிரம், ராஜஸ்தான் மாநிலங்களிலும் வழக்குப் பதியப்பட்டுள்ளதாகவும் குறிப்பிடப்பட்டுள்ளது.

கையிருப்பு ரூ.50,000: உதயநிதி ஸ்டாலின் கையிருப்பாக ரூ.50,000, அவரது மனைவி கிருத்திகா உதயநிதி கையிருப்பாக ரூ.75,000, அவரது மகள் தன்மயா உதயநிதிக்கு தமிழ்நாடு மொ்கண்டைல் வங்கியில் ரூ.2.56 லட்சம் வைப்புத் தொகை உள்ளதாகவும் குறிப்பிடப்பட்டுள்ளது.

உதயநிதி ஸ்டாலினுக்கு அசையும் சொத்துகளாக ரூ.12.92 கோடியும், அசையா சொத்துகளாக ரூ.7.72 கோடியும் என சொத்து மதிப்பு மொத்தம் ரூ.20.64 கோடி இருப்பதாகவும், அதில் கடனாக ரூ.1.55 லட்சம் எனவும் கூறப்பட்டுள்ளது. ரூ.1 கோடியில் டிபெஃன்டா் காரும், ரூ.23 லட்சத்தில் இன்னோவா காரும் இருப்பதாகக் குறிப்பிடப்பட்டுள்ளது.

கிருத்திகா உதயநிதிக்கு ரூ.1.87 கோடியில் 1,600 கிராம் தங்க நகைகள்

உள்பட அசையும் சொத்தாக ரூ.13.25 கோடியும், அசையா சொத்து ஏதுமில்லை எனவும் குறிப்பிடப்பட்டுள்ளது.