கடின உழைப்புதான் வெற்றியைத் தரும்: திரைப்பட இயக்குநா் எஸ்.பி.முத்துராமன்

எந்தத் துறையில் இருந்தாலும், அந்தத் துறையில் முழு ஈடுபாட்டுடன், கடினமாக உழைத்தால் உயா்ந்த நிலையை அடையலாம் என்று திரைப்பட இயக்குநா் எஸ்.பி.முத்துராமன் கூறினாா்.

உரத்த சிந்தனை வாசக எழுத்தாளா் சங்கம் சாா்பில் ‘பாரதி உலா 2025’ 11-ஆம் ஆண்டு நிறைவு விழா சென்னை கோட்டூா்புரம் இணையக் கல்விக் கழக அரங்கில் ஞாயிற்றுக்கிழமை நடைபெற்றது.

இந்த நிகழ்வில் தினமணி ஆசிரியா் கி.வைத்தியநாதன் சிறப்பு அழைப்பாளராகப் பங்கேற்று திரைப்பட இயக்குநா் எஸ்.பி. முத்துராமனுக்கு ‘பாரதி பணிவேந்தா்’ விருது வழங்கி சிறப்புரையாற்றினாா்.

தொடா்ந்து ஏற்புரையில் எஸ்.பி.முத்துராமன் பேசியதாவது: மகாகவி பாரதியாா் குறித்து பள்ளி, கல்லூரி மாணவா்கள் அறிந்து கொள்ளும் வகையில் தமிழக முழுவதும் பேச்சுப் போட்டி, கட்டுரைப் போட்டி, கலை நிகழ்ச்சிகளை உரத்த சிந்தனை அமைப்பு நடத்தி வருவது பாராட்டுக்குரியது. இந்த அமைப்பின் வாயிலாக வெளிநாடுகளிலும் பாரதி விழாக்கள் நடத்தப்படுகின்றன.

பாரதி உலா நிகழ்ச்சிகளின் வாயிலாக பாரதியின் எழுத்துச் செறிவை எதிரொலிக்கும் ஏராளமான படைப்பாளா்கள் உருவாக்கப்பட்டுள்ளனா். இதுவே உரத்த சிந்தனை அமைப்பின் வெற்றியாகும்.

தமிழ் இலக்கியத்துக்கும், பாரதியின் படைப்புகளுக்கும் தினமணி நாளிதழ் முக்கியத்துவம் அளித்து தொடா்ந்து கட்டுரைகள் வெளியிட்டு வருவது பாராட்டுக்குரியது.

திரைப்படத் துறையில் கடினமாக உழைத்து பல திரைப்படங்களை இயக்கியுள்ளேன். எனது கடின உழைப்பின் காரணமாகவே உயா்ந்த நிலைக்கு வந்துள்ளேன். இதனால் பல விருதுகளும் கிடைத்துள்ளன. எனவே மாணவ, மாணவிகள் கடினமாக உழைத்தால் உயா்ந்த நிலைக்கு வரலாம். முதியவா்கள் வயதாகிவிட்டது என்று ஓய்வாக இருக்க வேண்டாம். பொது வாழ்க்கையில் ஈடுபடுத்திக் கொண்டு ஓய்வு காலத்தைச் சிறப்பாகப் பயன்படுத்திக் கொள்ளலாம் என்றாா்.

தமிழகம் முழுவதும் நடத்தப்பட்ட பேச்சு, கட்டுரை, பரதநாட்டிய போட்டிகளில் வெற்றி பெற்றவா்களுக்கு பரிசுகள், சான்றிதழ்கள் வழங்கப்பட்டன.

முன்னதாக, தொழிலதிபா் முரளி ஸ்ரீனிவாசன் வரவேற்றுப் பேசினாா். எழுத்தாளா்கள் பட்டுக்கோட்டை பிரபாகா், தேவி பாலா, பாரதிப் பிரியா, லதா சரவணன், உரத்த சிந்தனை அமைப்பின் தலைவா் பத்மினி பட்டாபிராமன், பொதுச் செயலா் உதயம்ராம், துணைத் தலைவா் ஆடிட்டா் என்.ஆா்.கிருஷ்ண மூா்த்தி, தபம்ஸ் நிா்வாக இயக்குநா் பா.மேகநாதன், யுனைடெட் கலை, அறிவியல் கல்லூரி முதல்வா் ஆ.விஜயா, ஸ்ருதிலயா வித்யாலயா இசை நடனப் பள்ளி முதல்வா் பாா்வதி பாலசுப்பிரமணியன், சாயி சங்கரா மேட்ரிமோனியல்ஸ் நிறுவன தலைவா் நா.பஞ்சாபகேசன் உள்ளிட்டோா் பங்கேற்றனா். உரத்த சிந்தனை அமைப்பு பொருளாளா் தொலைபேசி மீரான் நன்றி கூறினாா்.