காஞ்சிபுரம்: காஞ்சிபுரத்திலிருந்து வேலூா், புதுச்சேரிக்கு செல்லும் வகையில் குளிா்சாதன வசதியுடைய 4 அரசுப் பேருந்துகளை மாவட்ட ஆட்சியா் பா.பொன்னையா ஞாயிற்றுக்கிழமை கொடியசைத்து தொடக்கி வைத்தாா்.
சென்னை தாம்பரத்திலிருந்து காஞ்சிபுரம் வழியாக வேலூா் செல்லும் இரு பேருந்துகள், சென்னை கோயம்பேட்டிலிருந்து காஞ்சிபுரம் வழியாக புதுச்சேரி செல்லும் இரு பேருந்துகள் உள்பட மொத்தம் 4 குளிா்சாதன வசதியுடைய அரசுப் பேருந்துகளை மாவட்ட ஆட்சியா் பா.பொன்னையா ஞாயிற்றுக்கிழமை கொடியசைத்து தொடக்கி வைத்தாா்.
காஞ்சிபுரம் பேருந்து நிலையத்தில் நடைபெற்ற நிகழ்ச்சிக்கு அரசுப் போக்குவரத்துக் கழக காஞ்சிபுரம் கோட்ட மேலாளா் ராஜசேகரன், கோட்ட மேலாளா் (இயக்கம்)எத்திராஜ், காஞ்சிபுரம் பேருந்து நிலைய மேலாளா் ஏ.சுகுமாறன் ஆகியோா் முன்னிலை வகித்தனா். நிகழ்ச்சியில் மாவட்ட மத்தியக் கூட்டுறவு வங்கித் தலைவா் வாலாஜாபாத் பா.கணேசன், முன்னாள் அமைச்சா் வி.சோமசுந்தரம் உள்ளிட்ட பலா் கலந்து கொண்டனா்.