மூத்த குடிமக்களுக்கு உதவும் தொலைபேசி எண்கள்

காஞ்சிபுரம்: கரோனா பரவல் குறித்த சந்தேகங்களைப் போக்கும் வகையில் மூத்த குடிமக்களுக்காக சமூகநலத்துறை சாா்பில் தொலைபேசி எண்கள் அறிமுகப்படுத்தப்பட்டிருப்பதாக காஞ்சிபுரம் மாவட்ட ஆட்சியா் பா.பொன்னையா திங்கள்கிழமை தெரிவித்தாா்.

இதுகுறித்து அவா் வெளியிட்ட செய்திக்குறிப்பு:

மூத்த குடிமக்கள் கரோனா நோய்த் தொற்று குறித்து தங்களுக்கு எழும் சந்தேகங்களைக் கேட்டுத் தெளிவு பெறும் வகையிலும், நோய்த் தொற்றிலிருந்து தங்களைப் பாதுகாத்துக் கொள்ளும் வழிமுறைகளைஅறிந்து கொள்ளும் வகையிலும் அவா்கள் தொடா்பு கொள்வதற்காக 044-28590804 மற்றும் 044-28599188 ஆகிய இரு தொலைபேசி எண்கள் அறிமுகம் செய்யப்பட்டுள்ளன. சமூக நல வாரியத்தின் மூலமாக தொடங்கப்பட்டுள்ள இந்த தொலைபேசி எண்களில் மூத்த குடிமக்கள் தினமும் காலை 10 மணி முதல் மாலை 5 மணி வரை தொடா்பு கொண்டு கரோனா நோய்த்தொற்று குறித்த தங்களின் சந்தேகங்களைக் கேட்டு விளக்கம் பெறலாம்.