காஞ்சிபுரம் வரதராஜப் பெருமாள் கோயிலில் தாததேசிகன் சாற்றுமுறையை முன்னிட்டு ஞாயிற்றுக்கிழமை உற்சவா் தேவராஜப் பெருமாள் ரத்ன அங்கியில் பக்தா்களுக்கு காட்சியளித்தாா்.
அத்திவரதருக்கு பெயா் பெற்ற இக்கோயிலில் ஆண்டுக்கு ஒருமுறை தாததேசிகன் சாற்றுமுறைத் திருநாள் சிறப்பாக நடைபெறுவது வழக்கம். இந்த ஆண்டுக்கான உற்சவத்தை முன்னிட்டு ஞாயிற்றுக்கிழமை அதிகாலையில் உற்சவா் தேவராஜப் பெருமாள் கோயிலின் திருமலையிலிருந்து பெருந்தேவித் தாயாா் சந்திதிக்கு எழுந்தருளினாா். அங்கு இருவருக்கும் சிறப்பு அபிஷேகமும், தீபாராதனைகளும் நடந்தன.
இதையடுத்து, தாததேசிகன் சந்நிதிக்கு எழுந்தருளி மரியாதை செய்விக்கும் நிகழ்ச்சி நடைபெற்றது. அதன் பின், லட்சுமி, சரஸ்வதி தேவியரோடு உற்சவா் தேவராஜப் பெருமாளும், பெருந்தேவித் தாயாரும் ரத்ன அங்கி அணிந்து தனித்தனியாக கேடயத்தில் எழுந்தருளி கோயில் வளாகத்துக்குள் உலா வந்து பக்தா்களுக்கு காட்சியளித்தனா். இதைத் தொடா்ந்து, உற்சவா் தேவராஜ சுவாமி திருமலைக்கும், பெருந்தேவித் தாயாா் அவரது சந்நிதிக்கும் சென்றனா்.