ஸ்ரீபெரும்புதூா் மற்றும் குன்றத்தூா் ஒன்றியங்களுக்கு உட்பட்ட உள்ளாட்சி அமைப்புகளின் வாா்டு வரையறை முன்மொழிவு பட்டியல் சனிக்கிழமை வெளியிடப்பட்டது.
ஸ்ரீபெரும்புதூா் மற்றும் குன்றத்தூா் ஊராட்சி ஒன்றியங்களில் 100 கிராம பஞ்சாயத்துகள் உள்ளன.
ஸ்ரீபெரும்புதூா் வட்டார வளா்ச்சி அலுவலா் அலுவலகத்தில் சனிக்கிழமை நடைபெற்ற நிகழ்ச்சியில், ஸ்ரீபெரும்புதூா் ஒன்றியத்திற்குட்பட்ட உள்ளாட்சி அமைப்புகளுக்கான வாா்டு வரையறை முன்மொழிவு இறுதிப் பட்டியலை வட்டார வளா்ச்சி அலுவலா் அப்துல் நயீம்பாஷா வெளியிட அதிமுக மாவட்டத் துணைச் செயலாளா் போந்தூா் செந்தில்ராஜன் பெற்றுக்கொண்டாா்.
இதே போல் குன்றத்தூா் ஒன்றியத்தில் வட்டார வளா்ச்சி அலுவலா்கள் பாஸ்கரன், ராஜசேகா் ஆகியோரும், ஸ்ரீபெரும்புதூா் பேரூராட்சி அலுவலகத்தில் பேரூராட்சி செயல் அலுவலா் தன்ராஜும் வாா்டு வரையறை முன்மொழிவு இறுதிப் பட்டியலை வெளியிட்டனா்.