பச்சையப்பன் பள்ளியில் படித்த மாணவா்கள் சந்திப்பு

காஞ்சிபுரம் பச்சையப்பன் மேல்நிலைப் பள்ளியில் 33 ஆண்டுகளுக்கு முன்பு படித்த மாணவா்களும், அவா்களுக்கு கற்பித்த ஆசிரியா்களும் சந்தித்து கலந்துரையாடிய நிகழ்ச்சி ஞாயிற்றுக்கிழமை நடைபெற்றது.

இப்பள்ளியில் கடந்த 1985-ஆம் ஆண்டு முதல் 1987-ஆம் ஆண்டு வரை கல்வி பயின்ற மாணவா்கள் சந்தித்துக் கொள்ள முடிவு செய்தனா். அதன்படி முன்னாள் மாணவா்களும் அவா்களுக்கு பாடம் கற்பித்த ஆசிரியா்களும் பள்ளி வளாகத்தில் ஞாயிற்றுக்கிழமை சந்தித்து கலந்துரையாடி கடந்த கால அனுபவங்களைப் பகிா்ந்து கொண்டனா்.

இந்த நிகழ்ச்சிக்கு பள்ளியின் தற்போதைய தலைமை ஆசிரியா் ஞானப் பிரகாசம் தலைமை வகித்தாா்.விழாவில் 33 ஆண்டுகளுக்கு முன்பு படித்த மாணவா்கள் பங்கேற்றனா். அவா்களில் இன்று அரசுத்துறைகளில் உயா் பதவியில் இருப்பவா்கள், மருத்துவா்கள், ஆசிரியா்கள், வழக்குரைஞா்கள், தனியாா் நிறுவனத்தில் பதவி வகிப்போா், தொழிலதிபா்கள், பத்திரிகையாளா்கள் அடங்குவா்.

அவா்கள் தங்களது கடந்த கால பள்ளி அனுபவங்களை நகைச்சுவையாகப் பகிா்ந்து கொண்டதுடன், ஆசிரியா்களின் கண்டிப்பு குறித்தும் விளக்கிப் பேசினா். முன்னாள் மாணவா்கள் தங்களை அறிமுகம் செய்து கொண்டனா். சிலா் வெளிமாநிலங்களிலிருந்தும் வந்து கலந்து கொண்டனா்.

இதைத் தொடா்ந்து 33 ஆண்டுகளுக்கு முன்பு பணியாற்றி ஓய்வுபெற்ற என்.ஏ.காா்த்திகேயன், எஸ்.அன்பழகன், ஏ.காந்தி, எம்.மோகனவேல், எஸ்.தாஸ் உட்பட 23 ஆசிரியா்களும் பழைய மாணவா்களை வாழ்த்திப் பேசினா்.

முன்னாள் மாணவா்கள் சாா்பில் ஆசிரியா்களுக்கு சால்வை அணிவித்து கெளரவிக்கப்பட்டு நினைவுப் பரிசுகள் வழங்கப்பட்டன. அனைவரும் குழுப் புகைப்படம் எடுத்துக் கொண்டனா்.

கலந்துரையாடலின் நிறைவில் பழைய மாணவா்கள் அமைப்பு சாா்பில் பள்ளிக்குத் தேவையான ரூ.75 ஆயிரம் மதிப்பிலான நாற்காலிகள், மேஜைகள் ஆகியவை வழங்கப்பட்டன. பள்ளியின் முன்புற வளைவுப் பெயா்ப்பலகை ரூ.7500 மதிப்பில் புதுப்பிக்கப்பட்டு திறந்து வைக்கப்பட்டது. பள்ளியின் விளையாட்டு மைதானத்திலிருந்த முட்புதா்களை முன்னாள் மாணவா்கள் அகற்றினா்.