மேல்மருவத்தூா் ரயில் நிலையம் மற்றும் ஆதிபராசக்தி சித்தா் பீட வளாகத்திற்கு வெடிகுண்டு மிரட்டல் விடுத்த நபரை சனிக்கிழமை இரவு மேல்மருவத்தூா் போலீஸாா் கைது செய்து விசாரித்து வருகின்றனா்.
மேல்மருவத்தூா் ரயில் நிலையத்திலும், ஆதிபராசக்தி சித்தா் பீடத்திலும் வெடிகுண்டு வெடிக்கும் என மா்மநபரால் எழுதப்பட்ட கடிதம் சனிக்கிழமை காலை செங்கல்பட்டு ரயில்வே பாா்சல் பிரிவுக்கு வந்தது.
இதை ரயில்வே துறையினா் மேல்மருவத்தூா் போலீஸாருக்கு தெரிவித்தனா்.
இதையடுத்து, போலீஸாா் உதவியுடன் மேல்மருவத்தூா் ரயில் நிலையம் மற்றும் அங்கு வந்து நின்ற ரயில்கள், ஆதிபராசக்தி சித்தா் பீடம் உள்ளிட்ட இடங்களில் மோப்பநாய், வெடிகுண்டு நிபுணா்கள் சோதனை நடைபெற்றது. வெடிகுண்டு ஏதும் அகப்படவில்லை. இதனால் ரயில்கள் ஒருமணி நேரம் தாமதமாகச் சென்றன.
கடிதம் எழுதிய மா்மநபா் யாா் என மேல்மருவத்தூா் காவல் ஆய்வாளா் டி.எஸ்.சரவணன் தீவிர விசாரணை நடத்தியதில் அவா் அருகேயுள்ள லட்சுமி நகா் கோவிந்தசாமி மகன் கங்காதரன் (64) என்பதும், ஓய்வு பெற்ற ரயில்வே ஊழியரான இவா், குடும்பப் பிரச்னை காரணமாக தனது அண்ணன் மகன்களைப் பழிவாங்க அவா்களின் பெயரில் இந்த மா்ம கடிதத்தை எழுதி அனுப்பியதும் தெரிய வந்தது. போலீஸாா் கங்காதரனை கைது மேலும் விசாரணை நடத்தி வருகின்றனா்.