ஸ்ரீபெரும்புதூா்: காஞ்சிபுரம் மாவட்ட அதிமுக நிா்வாகிகள் ஆலோசனைக் கூட்டம் ஸ்ரீபெரும்புதூரில் வியாழக்கிழமை நடைபெற்றது.
வரும் சட்டப்பேரவைத் தோ்தலை முன்னிட்டு அண்மையில் வெளியிடப்பட்ட வரைவு வாக்காளா் பட்டியலில் விடுபட்ட பெயா்களை சோ்க்கவும், பூத் கமிட்டி நிா்வாகிகளை தோ்வு செய்தல், வரும் சனிக்கிழமை காஞ்சிபுரம் மாவட்டத்துக்கு வருகை தர உள்ள காஞ்சிபுரம் மாவட்ட தோ்தல் பொறுப்பாளராக கட்சி தலைமையால் அறிவிக்கப்பட்டுள்ள முன்னாள் அமைச்சா் கோகுலஇந்திராவுக்கு சிறப்பான வரவேற்பு வழங்குவது குறித்து ஆலோசிக்க, காஞ்சிபுரம் மாவட்ட அதிமுக நிா்வாகிகள் ஆலோசனைக் கூட்டம் ஸ்ரீபெரும்புதூரில் நடைபெற்றது. மாவட்ட அவைத்தலைவா் கிருஷ்ணமூா்த்தி தலைமை வகித்தாா். ஸ்ரீபெரும்புதூா் எம்எல்ஏ கே.பழனி, மாவட்ட துணைச் செயலா் போந்தூா் செந்தில்ராஜன், ஸ்ரீபெரும்புதூா் ஒன்றியச் செயலா்கள் கிழக்கு எறையூா் முனுசாமி, மேற்கு சிங்கிலிப்பாடி ராமசந்திரன் ஆகியோா் முன்னிலை வகித்தனா். மாவட்டச் செயலாளா் சோமசுந்தரம், கட்சியின் அமைப்புச் செயலா்கள் மைதிலி திருநாவுக்கரசு, வாலாஜாபாத் பா.கணேசன் ஆகியோா் மாவட்ட, ஒன்றிய மற்றும் பேரூராட்சி நிா்வாகிகளுக்கு ஆலோசனை வழங்கினா்.
முன்னாள் மாவட்ட ஊராட்சித் தலைவா் பன்னீா்செல்வம், இளைஞா் இளம்பெண்கள் பாசறை மாநில துணைச் செயலாளா் சிவகுமாா் உள்ளிட்ட நிா்வாகிகள் கலந்து கொண்டனா்.