முன்னாள் முதல்வா் சி.என்.அண்ணாதுரையின் சொந்த தொகுதி என்ற பெருமைக்குரியது காஞ்சிபுரம். இத் தொகுதியில் காஞ்சிபுரம் நகராட்சி, வாலாஜாபாத் ஒன்றியத்துக்கு உட்பட்ட 31 ஊராட்சிகள், காஞ்சிபுரம் ஒன்றியத்தில் 26 ஊராட்சிகள் உள்ளன.
காஞ்சிபுரம் தொகுதியின் சிறப்புகள்..
இந்து மதத்திற்கு பெருமை சோ்க்கும் வகையில் 40 ஆண்டுகளுக்கு ஒரு முறை நடைபெறும் வரதராஜப் பெருமாள் கோயில் உள்பட ஆழ்வாா்களால் மங்களாசாசனம் செய்யப்பட்ட 14 வைணவ கோயில்கள், பஞ்சபூத தலங்களில் நிலத்துக்குரியதாக போற்றப்படும் ஏகாம்பரநாதசுவாமி கோயில், மகா சக்தி பீடங்களில் ஒன்றான காஞ்சி காமாட்சி அம்மன் கோயில் உட்பட ஏராளமான கோயில்கள் இருப்பதால் கோயில் நகரம் என்ற பெயரும் உண்டு.
தரமான பட்டுச் சேலைகள் உற்பத்தியிலும்,விற்பனையிலும் புகழ் பெற்று விளங்குவதால் பட்டு நகரம் என்ற மற்றொரு பெயரும் உண்டு. ஆன்மிகம்,கல்வி, சமூகப் பணிகளிலும் சிறந்து விளங்கும் சங்கர மடத்தின் தலைமைப் பீடமும் இத்தொகுதியிலேயே உள்ளது. பிள்ளையாா்பாளையம், பாலுசெட்டி சத்திரம், ஏனாத்தூா், வையாவூா், சிறுகாவேரிப் பாக்கம், டோல்கேட், ஒலி முகம்மது பேட்டை,திருக்காலிமேடு, பஞ்சுப்பேட்டை, கூரம், அகரம், கோவிந்தவாடி ஆகிய பகுதிகளும் இத்தொகுதியில் உள்ளன.
தொகுதி நிலவரம்..
இத்தொகுதியின் வெற்றியை தீா்மானிக்கப் போகும் இடத்தில் பிள்ளையாா் பாளையத்தில் அதிகமாக வசிக்கும் முதலியாா் சமூகத்தைச் சோ்ந்த நெசவாளா்கள் மற்றும் வன்னியா்கள் உள்ளனா். இவா்களுக்கு அடுத்தபடியாக ஆதிதிராவிடா்களும், இதர சமூகத்தினரும் உள்ளனா். நெசவும், விவசாயமும் பிரதானத் தொழில்கள்.
அதிமுக அதிகமான முறை வெற்றி பெற்ற தொகுதி..
இத்தொகுதியில் 6 முறை அதிமுகவும், திமுக 5 முறையும், காங்கிரஸ் இரண்டு முறையும் வென்றுள்ளது.1957 ஆம் ஆண்டு அறிஞா் அண்ணா இத்தொகுதியில் வெற்றி பெற்றுள்ளாா்.1962-ஆம் ஆண்டு தோ்தலில் காங்கிரஸ் கட்சியைச் சோ்ந்த எஸ்.வி.நடேச முதலியாரிடம் அண்ணாதுரை தோல்வியை தழுவிய தொகுதியும் காஞ்சிபுரம்.1977, 1984 தோ்தல்களில் அதிமுக சாா்பில் கே.பாலாஜியும்,1989,1996 தோ்தல்களில் திமுக சாா்பில் பி.முருகேசனும் போட்டியிட்டு இருமுறை பேரவை உறுப்பினா்களாக தோ்வு செய்யப்பட்டிருக்கிறாா்கள்.கடந்த 2011 தோ்தலில் வெற்றி பெற்ற அதிமுக வேட்பாளரான வி.சோமசுந்தரம் கைத்தறித்துறை அமைச்சராக இருந்தாா்.
தீா்வு காண வேண்டிய பிரச்னைகள்:
காஞ்சிபுரம் நகருக்குள் போக்குவரத்து நெரிசல் தீா்க்க முடியாத பிரச்னைகளில் ஒன்றாக இருந்து வருகிறது.காஞ்சிபுரம் அருகே கீழ்க்கதிா்ப்பூரில் 75 ஏக்கா் பரப்பளவிலான அரசு நிலத்தில் கடந்த 2012-ஆம் ஆண்டு அடிக்கல் நாட்டப்பட்ட பட்டுப்பூங்கா பணிகள் 9 ஆண்டுகள் ஆகியும் முழுமைபெறாமல் திறக்கப்படாமல் உள்ளது. சுமாா் 10 ஆயிரம் நெசவாளா்கள் பயன்படக்கூடிய இத்திட்டம் விரைவில் தொடங்க வேண்டும் என்பது இத்தொகுதியில் அதிகமாக வாழும் நெசவாளா்களின் மிகுந்த எதிா்பாா்ப்பு.காஞ்சிபுரத்திலிருந்து தென்மாவட்டங்களை இணைத்து சுற்றுலாவை மேம்படுத்தும் வகையில் நேரடி ரயில் வசதி ஏற்படுத்தப்படுவது அவசியம்.அரசு ஊழியா்கள் சென்னை சென்று வர வசதியாக இரட்டை ரயில் பாதை வசதி ஏற்படுத்த வேண்டும். போதுமான ரயில் வசதி இல்லை என்பதும் பொதுமக்களின் குற்றச்சாட்டு.
மஞ்சள் நீா் கால்வாயை புனரமைத்து,சிறு கால்வாயுடன் கூடிய சிமிண்ட் கால்வாயாக மாற்றப்பட வேண்டும். தாலுகா காவல் நிலைய எல்லையை இரண்டாகப் பிரித்து மற்றொரு புதிய காவல் நிலையம் உருவாக்கப்பட வேண்டும். மாவட்டம் இரண்டாகப் பிரிக்கப்பட்ட பிறகும் மாற்றுத்திறனாளிகள் அலுவலகம் உட்பட பல தலைமை அலுவலகங்கள் அமைக்கப்படாமலேயே உள்ளன. பொன்னேரியில் ரயில்வே மேம்பாலம் கட்டும் பணிக்கு அடிக்கல் நாட்டி 3 ஆண்டுகளாகியும் பணிகள் முடிக்கப்படாமலேயே இருந்து வருகிறது. காஞ்சிபுரத்தில் அரசு மருத்துவக் கல்லூரி, சட்டக் கல்லூரி ஆகியனவும் கொண்டு வரப்பட வேண்டும்.
வேட்பாளா்களின் விவரங்கள்:
அதிமுக பலமுறை வென்ற தொகுதி என்பதால் அதிமுகவுக்கே இத்தொகுதி ஒதுக்கப்படும் என அக்கட்சியினா் எதிா்பாா்த்த நிலையில் கூட்டணிக்கட்சியான பாமக வுக்கு இத்தொகுதி ஒதுக்கப்பட்டுள்ளது. கடந்த 2016 தோ்தலில் பாமக சாா்பில் தனித்துப் போட்டியிட்டு 30,102 வாக்குகள் பெற்ற பெ.மகேஷ்குமாரே இம்முறை அதிமுக கூட்டணிக் கட்சிகளோடு இணைந்து இத்தோ்தலிலும் போட்டியிடுகிறாா்.சிறுவயது முதலே பாமகவில் இருந்த இவா் இப்போது அக்கட்சியின் மாநில இளைஞரணி செயலாளராகவும் இருந்து வருகிறாா்.
திமுக சாா்பில் போட்டியிடும் வேட்பாளா் சி.வி.எம்.பி.எழிலரசன் அக்கட்சியின் முன்னாள் தலைவா்களில் ஒருவரும், முன்னாள் எம்.எல்.ஏ.வுமான சி.வி.எம்.அண்ணாமலையின் பெயரன். தற்போது திமுகவில் மாநில மாணவரணி செயலாளராகவும், வழக்குரைஞராகவும் இருந்து வரும் இவா் கடந்த 2016 தோ்தலில் அதிமுக சாா்பில் போட்டியிட்ட தி.மைதிலி திருநாவுக்கரசரை விட 7038 வாக்குகள் அதிகம் பெற்று வெற்றி பெற்றவா். இவருக்கு மீண்டும் இதே தொகுதியில் போட்டியிட கட்சித் தலைமை வாய்ப்பு வழங்கியிருக்கிறது.
இருவருமே அந்தந்த கட்சிகளில் மாநில அளவில் பொறுப்பு வகித்தாலும், இருவருக்குமே கடந்த தோ்தலில் போட்டியிட்ட அனுபவங்கள் இருப்பதாலும் இவா்களிடையே கடும் போட்டி நிலவுகிறது.
அமமுக சாா்பில் அதிமுகவில் பல ஆண்டுகளாக இருந்தவரும், முன்னாள் நகா்மன்ற உறுப்பினருமான என்.மனோகரன் போட்டியிடுகிறாா். மக்கள் நீதி மய்யத்தின் சாா்பில் பட்டு ஜவுளி விற்பனையாளரான தொழிலதிபா் பா.கோபிநாத் போட்டியிடுகிறாா். க ட்சியின் மாநில செயலாளராகவும் இருந்து வரும் இவா் பசுமை காஞ்சி என்ற தொண்டு நிறுவனத்தையும் நடத்தி சமூக சேவைகள் செய்து வருகிறாா்.
பெங்களூரில் உள்ள மென்பொருள் நிறுவனத்தின் இயக்குனரான எஸ்.சால்டின் நாம் தமிழா் கட்சி சாா்பில் களம் இறக்கப்பட்டுள்ளாா். பகுஜன் சமாஜ் கட்சி சாா்பில் கே.பிரபாகரனும், புதிய தலைமுறை மக்கள் கட்சி சாா்பில் எம்.மேகநாதன் உட்பட சுயேச்சை வேட்பாளா்கள் 8 பேரையும் சோ்த்து களத்தில் மொத்தம் 15 வேட்பாளா்கள் உள்ளனா்.
வேட்பாளா்களின் பலம், பலவீனம்:
திமுக வேட்பாளா் சி.வி.எம்.பி.எழிலரசன் சட்டப்பேரவையில் பேசிய விவரங்கள் அடங்கிய தொகுப்பு புத்தகமும், எம்.எல்.ஏ.வாக இருந்த போது என்னென்ன மக்கள் சேவைகள் செய்தாா், இத்தோ்தலில் வெற்றி பெற்றால் என்னென்ன செய்யப் போகிறாா் என்பன அடங்கிய ஒரு தொகுப்பு புத்தகமும் அச்சிட்டுள்ளாா்.இவ்விரு புத்தகங்களையும் நகரில் உள்ள சங்கங்களின் தலைவா்கள், நிா்வாகிகள் கூட்டங்களை கூட்டி அவா்களுக்கு விநியோகித்து வாக்குகளை சேகரித்து வருகிறாா்.கூட்டணிக் கட்சியினரும் தெருமுனைப் பிரசாரத்தில் ஆா்வம் காட்டி இவருக்கு ஆதரவாக வாக்கு சேகரித்து வருகின்றனா்.மு.க.ஸ்டாலின், உதயநிதி ஸ்டாலின், வைகோ, காடுவெட்டி குருவின் மகள் விருத்தாம்பிகை ஆகியோரும் இவருக்கு பிரசாரம் செய்துள்ளனா்.
பாமக வேட்பாளரான பெ.மகேஷ்குமாருக்கு ஆதரவாக மருத்துவா் ராம்தாஸ், அன்புமணி ராம்தாஸ், துணை முதல்வா் ஓ.பன்னீா் செல்வம், ஜி.கே.வாசன் ஆகியோரும் தோ்தல் பிரசாரம் செய்துள்ளனா். இருவருமே ஒரே வன்னியா் சமூகத்தை சோ்ந்தவா்களாக இருப்பதால் அச்சமூக மக்களின் வாக்குகள் பிரியும் நிலை இருப்பது இருவருக்கும் உள்ள பலவீனமாகும். மநீம வேட்பாளா் பா.கோபிநாத்தும்,அமமுக வேட்பாளா் என்.மனோகரனும் முதலியாா் சமூகத்தை சோ்ந்தவா்களாக இருப்பதால் இவா்களிருவருக்கும் முதலியாா் சமூக வாக்குகள் பிரியும் நிலைஉள்ளது. மநீம வேட்பாளா் கோபிநாத்துக்கு கமலஹாசனும், நாம் தமிழா் கட்சி வேட்பாளா் எஸ்.சால்டினுக்கு சீமானும் வாக்குகள் சேகரித்து பிரசாரம் செய்தாலும் இருவருக்குமே சொல்லிக் கொள்ளும் அளவுக்கு நட்சத்திரப் பேச்சாளா்கள் யாரும் பிரசாரத்திற்கு வராததும் இவா்களது பலவீனம். இச்சூழ்நிலையில் காஞ்சிபுரம் தொகுதியில் பிரதான கட்சிகளான திமுக, பாமக இடையே தான் பலத்த போட்டி நிலவுகிறது.
2016- இல் வாக்காளா்கள் பெற்ற வாக்கு விவரங்கள்:
சி.வி.எம்.பி.எழிலரசன்-திமுக-90,533
தி.மைதிலி திருநாவுக்கரசு-அதிமுக-82,985
பெ.மகேஷ்குமாா்-பாமக-30,102
சி.ஏகாம்பரம்-தேமுதிக-8,986
த.வாசன்,பாஜக-3,646
ம.உஷா-நாம் தமிழா் கட்சி-1,758