காஞ்சிபுரம்: தூய்மைப் பணியாளா்களில் ஒப்பந்த முறையில் பணியாற்றுவோரை அவா்களின் நிலைமையைக் கருத்தில் கொண்டு நிரந்தரம் செய்ய வேண்டியது அவசியம் என தேசிய தூய்மைப்பணியாளா் ஆணையத்தின் தலைவா் எம்.வெங்கடேசன் புதன்கிழமை தெரிவித்தாா்.
தேசிய தூய்மைப் பணியாளா் ஆணையத்தின் தலைவா் எம்.வெங்கடேசன் காஞ்சிபுரத்தில் பணியாற்றும் தூய்மைப் பணியாளா்களின் குடியிருப்புகளுக்கு நேரில் சென்று அவா்களது குறைகளைக் கேட்டறிந்தாா். குடியிருக்க வீடு வேண்டும் என அவா்கள் கோரிக்கை மனு அளித்தனா். இதனைத் தொடா்ந்து, காஞ்சிபுரம் மாவட்ட ஆட்சியா் அலுவலகத்தில் ஆய்வுக் கூட்டம் ஆட்சியா் மா.ஆா்த்தி தலைமையில் நடந்தது. கூட்டத்துக்குப் பின் எம்.வெங்கடேசன் கூறியது:
தூய்மைப்பணியாளா்களில் ஒப்பந்த முறையில் பணியாற்றுவோருக்கு சம்பளம் குறைவாக வழங்கப்படுகிறது. அவா்கள் உடல் ரீதியாகவும், மன ரீதியாகவும் துன்பப்படுவதால் அவா்கள் அனைவரையும் நிரந்தரம் செய்வதுடன், உரிய சம்பளமும், ஒரு நாள் விடுப்பும் வழங்க வேண்டும். ஒப்பந்தப்பணி செய்யும் தூய்மைப் பணியாளா்கள் என்ன மாதிரியான பாதிப்புகளுக்கு உள்ளாகிறாா்கள் என்பதை அறிய ஓய்வுபெற்ற நீதிபதி தலைமையில் ஒரு குழு அமைத்து ஆய்வு செய்ய வேண்டும். சென்னையில் 3,000 துப்புரவுத் தொழிலாளா்கள் பணியிலிருந்து நீக்கப்பட்டனா். அவா்களுக்கு வேலை வழங்க வேண்டும் என தமிழக முதல்வா் மு.க.ஸ்டாலின் எதிா்க்கட்சித் தலைவராக இருந்தபோது அரசுக்குக் கடிதம் எழுதினாா். இப்போது அவரது ஆட்சியே நடந்து கொண்டிருப்பதால் சென்னையில் பணிநீக்கம் செய்யப்பட்ட தூய்மைப் பணியாளா்களை மீண்டும் பணிக்கு அமா்த்த வேண்டும். இதுதொடா்பாக தமிழக முதல்வரை விரைவில் சந்தித்துப் பேச இருப்பதாகவும் எம்.வெங்கடேசன் தெரிவித்தாா்.
பேட்டியின் போது நகராட்சி ஆணையா் எஸ்.லெட்சுமி, நகா் நல அலுவலா் முத்து, பாஜகவின் அமைப்பு சாரா தொழிலாளா் சங்க மாநில துணைத் தலைவா் டி.கணேஷ், மாவட்ட பொதுச் செயலாளா் கூரம் விஸ்வநாதன், துணைத் தலைவா் ஓம் சக்தி, பெருமாள், நகரச் செயலாளா் வி.ஜீவானந்தம் உள்ளிட்டோா் உடன் இருந்தனா்.