காஞ்சிபுரம் காமாட்சி அம்மன் கோயில் மாசிமக பிரம்மோற்சவத்தின் ஒன்பதாம் நாளான வியாழக்கிழமை இரவு உற்சவா் காமாட்சி அம்மன் வெள்ளித் தேரில் பவனி வந்து பக்தா்களுக்கு அருள்பாலித்தாா்.
காஞ்சிபுரம் பிரசித்தி பெற்ற காமாட்சி அம்மன் கோயிலில் மாசிமக பிரம்மோற்சவம் கடந்த 17-ஆம் தேதி அதிகாலை கொடியேற்றத்துடன் தொடங்கியது. 12 நாள்கள் நடைபெறும் இந்த பிரம்மோற்சவத்தில் காலை மற்றும் மாலை நேரங்களில் பல்வேறு வாகனங்களில் உற்சவா் காமாட்சி அம்மன் ராஜவீதிகளில் பவனி வந்து பக்தா்களுக்கு அருள்பாலித்து வருகிறாா். இதில் முக்கிய நிகழ்வான வெள்ளித் தோ் உற்சவம் வியாழக்கிழமை இரவு நடைபெற்றது. இதில் அலங்கரிக்கப்பட்ட வெள்ளித் தேரில் உற்சவா் காமாட்சி அம்மன் வீதிஉலா வந்து பக்தா்களுக்கு அருள்பாலித்தாா். இதில் ஏராளமான பக்தா்கள் கலந்துகொண்டு காமாட்சி அம்மனை வழிபட்டனா்.