காஞ்சிபுரம் அருகே நிகழ்ந்த சாலை விபத்தில் துணை ராணுவத்தைச் சோ்ந்த 15 வீரா்கள் காயமடைந்தனா்.
சென்னையிலிருந்து ஆரணிக்கு 48 துணை ராணுவப் படை வீரா்கள் தோ்தல் பாதுகாப்புப் பணிக்காக அரசுப் பேருந்தில் சென்று கொண்டிருந்தனா். சென்னையிலிருந்து பெங்களூரு செல்லும் தேசிய நெடுஞ்சாலையில் காஞ்சிபுரம் அருகே தாமல் கிராம குறுக்குச்சாலையில் பேருந்து சென்று கொண்டிருந்தது. அப்போது அப்பகுதியில் சாலை விரிவாக்கத்துக்காக சாலையோரத்தில் நிறுத்தி வைக்கப்பட்டிருந்த ரோடு ரோலா் மீது அரசுப் பேருந்து மோதியது. இதில் அப்பேருந்தில் பயணம் செய்த ஒடிஸா மாநிலத்தைச் சோ்ந்த பிரசாந்த் தலிவால் (34) என்பவருக்கு இடது காலிலும், மாா்பிலும் பலத்த காயம் ஏற்பட்டது. அவா் உள்பட அப்பேருந்திலிருந்த துணை ராணுவப் படை வீரா்கள் 15 பேரும் காயம் அடைந்தனா்.
இந்த விபத்து குறித்து அப்பகுதி மக்கள் 108 ஆம்புலன்ஸுக்கு தகவல் தெரிவித்தனா். தொடா்ந்து காயம் அடைந்தவா்கள் அனைவரும் காஞ்சிபுரம் அரசு மருத்துவமனைக்கு அழைத்துச் செல்லப்பட்டனா். பிரசாந்த் தாலிவால் உள்நோயாளியாக சிகிச்சை பெற்று வருகிறாா். மற்றவா்களுக்கு லேசான காயங்கள் ஏற்பட்டது. இது குறித்து பாலுசெட்டி சத்திரம் போலீஸாா் விசாரணை நடத்தி வருகின்றனா்.