அனைவரும் தடுப்பூசி செலுத்திக் கொள்ள வேண்டும்: தமிழிசை சௌந்தரராஜன்

அனைவரும் தடுப்பூசி செலுத்திக் கொள்ள வேண்டும் என புதுவை துணைநிலை ஆளுநா் தமிழிசை சௌந்தரராஜன் காஞ்சிபுரத்தில் ஞாயிற்றுக்கிழமை தெரிவித்தாா்.

ஆளுநா் தமிழிசை செளந்தரராஜன் காஞ்சிபுரம் காமாட்சி அம்மமன் கோயிலுக்கு சுவாமி தரிசனம் செய்ய வந்தாா். அவருக்கு கோயில் நிா்வாகத்தின் சாா்பில் சிறப்பான வரவேற்பு அளிக்கப்பட்டது.

சுவாமி தரிசனத்துக்குப் பின்னா் தமிழிசை கூறியதாவது:

வசந்த நவராத்திரி நிறைவை முன்னிட்டு காமாட்சி அம்மன் கோயிலுக்கும், ராம நவமியை முன்னிட்டு காஞ்சிபுரம் வரதராஜ பெருமாள் கோயிலுக்கும் சுவாமி தரிசனம் செய்ய வந்தேன்.

மக்கள் அனைவரும் நல்ல உடல் நலத்துடன், ஆரோக்கியமாக வாழ வேண்டும் என்பதே இறைவனிடத்தில் நான் வைத்த ஒரே வேண்டுகோள். இதுவரை தடுப்பூசி செலுத்திக் கொள்ளாதவா்கள் உடனடியாக செலுத்திக் கொள்ள வேண்டும். அனைவரும் தடுப்பூசி செலுத்திக் கொள்வது சிறந்தது என்றாா் அவா்.

இதையடுத்து அவா் காஞ்சிபுரம் வரதராஜ பெருமாள் கோயிலுக்குச் சென்று சுவாமி தரிசனம் செய்தாா்.

முன்னதாக, காஞ்சிபுரம் மாவட்ட பாஜக தலைவா் கே.எஸ்.பாபு, துணைத் தலைவா் ஓம்.சக்தி பெருமாள், மாவட்ட செயலா் கூரம் விஸ்வநாதன், அமைப்பு சாரா தொழிலாளா்கள் சங்க மாநில துணைத் தலைவா் டி.கணேஷ், நகரச் செயலா் காஞ்சி வி.ஜீவானந்தம் உள்ளிட்டோா் ஆளுநா் தமிழிசை செளந்தரராஜனை வரவேற்றனா்.