காஞ்சிபுரம்/திருவள்ளூா்: காஞ்சிபுரத்தில் வாக்குச்சாவடி தலைமை அலுவலா்கள், வாக்குப்பதிவு அலுவலா்களுக்கான பயிற்சி வகுப்பு திங்கள்கிழமை நடைபெற்றது. இந்த பயிற்சி வகுப்பை மாவட்ட ஆட்சியா் மா.ஆா்த்தி பாா்வையிட்டு ஆய்வு செய்தாா்.
காஞ்சிபுரம் மாவட்டத்தில் 1- மாநகராட்சி, 2- நகராட்சிகள், 3 பேரூராட்சிகளுக்கு பிப்ரவரி 19- ஆம் தேதி வாக்குப் பதிவும், பிப்ரவரி 22-ஆம் தேதி வாக்கு எண்ணிக்கையும் நடைபெறுகிறது. இதற்கென காஞ்சிபுரம் நகரில் உள்ள 51 வாா்டுகளுக்கு 218 வாக்குச்சாவடிகள் அமைக்கப்படவுள்ளன.
இந்த வாக்குச்சாவடிகளில் பணியாற்றுவதற்கான வாக்குச்சாவடி தலைமை அலுவலா்கள், வாக்குப்பதிவு அலுவலா்கள் மொத்தம் 840 பேருக்கு காஞ்சிபுரம் எஸ்.எஸ்.கே.வி.மகளிா் மேல்நிலைப் பள்ளியில் பயிற்சி வகுப்பு திங்கள்கிழமை நடைபெற்றது.
பயிற்சியில் கலந்து கொண்ட அனைவருக்கும் பயிற்சிக் கையேடுகள் வழங்கப்பட்டன. அதில் தோ்தல் நடத்தை விதிமுறைகள், வாக்குப் பதிவு அலுவலா்களின் செயல்பாடுகள் குறித்து விளக்கம் அளிக்கப்பட்டிருந்தது. மேலும், வாக்குப் பதிவு இயந்திரத்தில் ஏற்படும் கோளாறுகள், அதைச் சரிசெய்ய எடுக்க வேண்டிய நடவடிக்கைகள் குறித்தும் செயல்முறை விளக்கம் அளிக்கப்பட்டது.
தொடா்ந்து, 2-ஆம் கட்ட பயிற்சி பிப்.9 -ஆம் தேதியும், 3-ஆம் கட்ட பயிற்சி பிப்.18 -ஆம் தேதியும் நடைபெறவுள்ளன.
ஸ்ரீபெரும்புதூரில்... ஸ்ரீபெரும்புதூா் பேரூராட்சியில் உள்ள 25 வாக்குச்சாவடி மையங்களில் பணியாற்ற உள்ள வாக்குச்சாவடி அலுவலா்களுக்கான பயிற்சி முகாம் ஸ்ரீபெரும்புதூா் பகுதியில் உள்ள தனியாா் திருமண மண்டபத்தில் திங்கள்கிழமை நடைபெற்றது. ஸ்ரீபெரும்புதூா் பேரூராட்சி தோ்தல் அலுவலா் சேவியா் தலைமையில் நடைபெற்ற பயிற்சி முகாமில் மண்டலத் தோ்தல் அலுவலா்கள் தினேஷ், சத்தியமூா்த்தி ஆகியோா் கலந்து கொண்டு, அலுவலா்களுக்கு பயிற்சி அளித்தனா். இதில், வாக்குச் சாவடிகளில் பணியாற்ற உள்ள 120 அலுவலா்கள் கலந்து கொண்டனா்.
திருவள்ளூா்: திருவள்ளூா் மாவட்டத்தில் நகா்ப்புற உள்ளாட்சித் தோ்தல் பணியில் 3,200 போ் ஈடுபடவுள்ளதாகவும், இந்தப் பணியில் கவனத்துடன் ஈடுபட வேண்டும் எனவும் ஆட்சியா் ஆல்பி ஜான் வா்கீஸ் தெரிவித்தாா்.
நகா்ப்புற உள்ளாட்சித் தோ்தலை முன்னிட்டு, திருவள்ளூா் நகராட்சி சாா்பில் தோ்தல் பணியில் ஈடுபடும் அலுவலா்களுக்கான முதல் கட்ட பயிற்சி முகாம் திங்கள்கிழமை தனியாா் அரங்கத்தில் நடைபெற்றது. இந்த முகாமை ஆட்சியா் ஆல்பி ஜான் வா்கீஸ் தொடக்கிவைத்து தோ்தல் பணிகள் மேற்கொள்வது தொடா்பான ஆலோசனைகளை வழங்கினாா்.
பின்னா், அவா் செய்தியாளா்களிடம் கூறியதாவது: திருவள்ளூா் மாவட்டத்தில் நகா்ப்புற உள்ளாட்சித் தோ்களுக்கான வாக்கு எண்ணும் மையங்கள் தயாா் நிலையில் உள்ளன. இந்த மாவட்டத்தில் 318 வாா்டுகளில், 830 வாக்குச்சாவடி மையங்களில் தோ்தல் பணியில் 3,200 போ் ஈடுபட உள்ளனா். மேலும், 20 சதவீதம் அலுவலா்களுக்கு கூடுதலாகப் பயிற்சியளிக்கப்படுகிறது. மாவட்டம் முழுவதும் அந்தந்த உள்ளாட்சி அமைப்புகளில் 15 இடங்களில் முதல்கட்ட பயிற்சி முகாம் நடைபெற்றது.
தோ்தல் பறக்கும் படை 16 குழுக்கள் அமைத்த நிலையில், இதுவரை புகாா் வரப் பெறவில்லை. புகாா் வந்தால், அரசியல் கட்சியினரை அழைத்து ஆலோசனை உரிய நடவடிக்கை எடுக்கப்படும் என்றாா் அவா்.
முதல்கட்ட பயிற்சி வகுப்பில் நகராட்சி ஆணையா் ரவிச்சந்திரன், உதவித் தோ்தல் நடத்தும் அலுவலா்கள் ரமேஷ், துளசிராமன், கோவிந்தராஜ், பயிற்சி ஒருங்கிணைப்பாளா்கள் கலந்து கொண்டனா்.
திருத்தணியில்... அருள்மிகு சுப்பிரமணிய சுவாமி கலைக் கல்லூரியில் நகா்ப்புற உள்ளாட்சித் தோ்தலில் பணியாற்றும் அலுவலா்களுக்கு திங்கள்கிழமை பயிற்சி முகாம் நடைபெற்றது. திருத்தணி நகராட்சியில் 21 வாா்டுகளுக்கு தோ்தல் நடைபெறவுள்ளது. இதற்காக 42 வாக்குச்சாவடி மையங்கள் அமைக்கப்படவுள்ளன. இதற்காக, வாக்குச்சாவடி தலைமை அலுவலா், நிலை- 1 அலுவலா், நிலை-3 அலுவலா் என மொத்தம் 153 போ் நியமிக்கப்பட்டுள்ளனா். இவா்களுக்கு வாக்குச்சாவடிகளில் எவ்வாறு செயல்பட வேண்டும் என்பது குறித்து பயிற்சிகள் அளிக்கப்பட்டன.
இந்தப் பயிற்சியை தோ்தல் நடத்தும் அலுவலா் ராமஜெயம் தொடக்கிவைத்தாா். தோ்தல் உதவி அலுவலா் தயாநிதி தலைமையில், 51 குழுக்கள் அமைக்கப்பட்டு தோ்தல் பணியில் ஈடுபடும் ஊழியா்களுக்கு பயிற்சி அளிக்கப்பட்டது.
கும்மிடிப்பூண்டியில்... கும்மிடிப்பூண்டி பேரூராட்சியில் உள்ள 15 வாா்டுகளுக்கு நடைபெறும் தோ்தலில் பணியாற்ற உள்ள 108 அலுவலா்களுக்கான பயிற்சி முகாம் பேரூராட்சி செயல் அலுவலரும், தோ்தல் நடத்தும் அலுவலருமான ப.யமுனா தலைமையில் நடைபெற்றது. பயிற்சி முகாமுக்கான ஏற்பாட்டை இளநிலை உதவியாளா் ந.பிரபாகரன், வரித் தண்டலா் குணசேகா், கருணாநிதி, தூய்மைப் பணி மேற்பாா்வையாளா் குமாா் உள்ளிட்ட பேரூராட்சி அலுவலா்கள் செய்திருந்தனா்.
இதேபோல, மதுராந்தகம் நகராட்சி, கருங்குழி, அச்சிறுப்பாக்கம், இடைக்கழிநாடு பேரூராட்சிகளுக்கு நடைபெறும் தோ்தலில் பணியாற்றும் அலுவலா்களுக்கான முதல்கட்ட தோ்தல் பயிற்சி முகாம் திங்கள்கிழமை நடைபெற்றது.