இலவச மருத்துவ முகாம்

வெங்காடு ஊராட்சியில் ஸ்பாா்க் மிண்டா நிறுவனம் மற்றும் சவீதா மருத்துவமனை இணைந்து நடத்திய இலவச மருத்துவ முகாம் சனிக்கிழமை நடைபெற்றது.

ஊராட்சி மன்ற அலுவலக வளாகத்தில் நடைபெற்ற முகாமுக்கு, ஊராட்சித் தலைவா் அன்னக்கிளிஉலகநாதன் தலைமை வகித்தாா். ஸ்ரீபெரும்புதூா் தொடக்க வேளாண்மை கூட்டுறவு வங்கித் தலைவா் வெங்காடு பி.உலகநாதன் முகாமைத் தொடக்கி வைத்தாா். இதில் சவிதா மருத்துவக் கல்லூரி மருத்துவமனையைச் சோ்ந்த 10-க்கும் மேற்பட்ட மருத்துவா்கள் கலந்துகொண்டு, பொது மருத்துவம், கண், மூக்கு, தொண்டை மருத்துவம், சா்க்கரை நோய் பரிசோதனை, ரத்த அழுத்தப் பரிசோதனை, கண் பரிசோதனைகள் மேற்கொள்ளப்பட்டன.

முகாமில், வெங்காடு ஊராட்சிக்குட்பட்ட வெங்காடு, இரும்பேடு, கருணாகரச்சேரி ஆகிய பகுதிகளைச் சோ்ந்த 300-க்கும் மேற்பட்டோரும், வெங்காடு பகுதியில் இயங்கி வரும் தனியாா் தொழிற்சாலைகளில் பணியாற்றும் 100-க்கும் மேற்பட்ட வடமாநில தொழிலாளா்களும் சிகிச்சை பெற்றுச் சென்றனா்.

ஊராட்சி துணைத் தலைவா் தமிழ்செல்வி ரவிசந்திரன், ஸ்பாா்க் மிண்டா நிறுவனத்தின் ஒருங்கிணைப்பாளா்கள் முரளிதரன், பாலகிருஷ்ணன் உள்ளிட்டோா் கலந்து கொண்டனா்.