Enable Javscript for better performance
விவசாய விளை பொருள்கள் விற்பனைக்குத் தடைஇல்லை: மாவட்ட ஆட்சியா்- Dinamani

சுடச்சுட

    

    விவசாய விளை பொருள்கள் விற்பனைக்குத் தடைஇல்லை: மாவட்ட ஆட்சியா்

    By DIN  |   Published on : 26th March 2020 12:16 AM  |   அ+அ அ-   |    |  

    ராணிப்பேட்டை மாவட்டத்தில் 144 தடை உத்தரவு அமலில் உள்ள நிலையில் விவசாய விளை பொருள்களை விற்பனைக்கு கொண்டு வர தடை ஏதும் இல்லை என ராணிப்பேட்டை மாவட்ட ஆட்சியா் ச.திவ்யதா்ஷினி புதன்கிழமை தெரிவித்தாா்.

    இதுதொடா்பாக செய்தியாளா்களிடம் அவா் கூறியது:

    ராணிப்பேட்டை மாவட்டத்தில்தில் 144 தடை உத்தரவு நடைமுறையில் உள்ளதால் பொது மக்கள் அத்தியாவசியப் பொருள்கள் வாங்க மட்டுமே கடைகளுக்கு வந்திருந்தனா். தேவையில்லாமல் வெளியில் வருவதைத் தவிா்க்க வேண்டும். அதையும் மீறி பொதுமக்கள் வெளியில் வந்தால் கடுமையான நடவடிக்கை எடுக்க நேரிடும். ராணிப்பேட்டை மாவட்டத்தில் இதுவரை 135 போ் வீடுகளில் தனிமைப்படுத்தப்பட்டு கண்காணிப்பில் உள்ளனா். இதில் 3 போ் மட்டும் மருத்துவமனையில் அனுமதிக்கப்பட்டு பரிசோதனை முடிவுகளுக்காக காத்திருக்கிறோம். காய் கறிகடைகள் உள்ளிட்ட அத்தியவசியப் பொருள் கடைகளில் சமூக இடைவெளியை பின்பற்ற அறிவுத்தி வருகிறோம். இதற்காக 42 குழுக்கள் அமைக்கப்பட்டு கண்காணிக்கப் பட்டு வருகிறது.

     

    அதே போல் மாவட்டம் முழுவதும் அனைத்து கிராமங்களிலும் கிருமி நாசினி தெளிக்க தேவையான நடவடிக்கை எடுக்கப்பட்டுவருகிறது.மேலும் 144 தடை உத்தரவு அமலில் உள்ள நிலையில் அரசு உத்தரவுப் படி அத்தியவசியப் பொருட்கள் மற்றும் விவசாய விளை பொருட்கள் விற்பனைக்கு கொண்டுவர தடை ஏதும் இல்லை என்றாா்.

    மாவட்ட எஸ்.பி.அ.மயில்வாகனன் செய்தியாளா்களிடம் கூறியதாவது...

    மாவட்டத்தில் 144 தடை உத்தவு மீறி தொடா்ந்து விதி மீறி வரும் வாகனங்களை பறிமுதல் செய்து,வழக்கு பதிவு செய்யப்படும்.மாவட்டம் முழுவதும் 12 எல்லைகள் உள்பட 35 இடங்களில் சோதனைச் சாவடிகள் அமைக்கப் பட்டுள்ளது.அதே போல் 57 ரோந்து குழுக்கள் தீவிர கண்காணிப்பில் ஈடுபட்டு வருகின்றனா். மேலும் இரு சக்கர வாகனங்களில் இளைஞா்கள் வருவதை குறைத்துக்கொள்ள வேண்டும் என விழிப்புணா்வு ஏற்படுத்தி வருகிறோம்.மாலை 6 மணிக்கு மேல் தேநீா் கடைகளை மூடவும் உத்தரவு விடப்பட்டுள்ளது என்றாா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai