ராணிப்பேட்டை: ரணிப்பேட்டை, அரக்கோணம் ஆகிய இரண்டு கல்வி மாவட்டங்களில் 7 மையங்களில், 50 ஆயிரம் பிளஸ் 2 விடைத் தாள்களை திருத்தும் பணியில் 600 ஆசிரியா்கள் சமூக இடைவெளியைப் பின்பற்றி ஈடுபட உள்ளனா்.
தமிழகத்தில் மாநில பாடத்திட்டத்தின் கீழ் பிளஸ் 2 பொதுத் தோ்வுகள் கடந்த மாா்ச் மாதம் நடைபெற்றன. இத்தோ்வு விடைத்தாள்களைத் திருத்தும் பணிகள் மாா்ச் 31-ஆம் தேதி தொடங்குவதாக இருந்தது.
இதனிடையே, கரோனா பாதிப்பு காரணமாக முதல் கட்டமாக ஏப்ரல் 14-ஆம் தேதி வரை நாடு தழுவிய பொது முடக்கம் அறிவிக்கப்பட்டது. இதனால் விடைத்தாள் திருத்தம் பணிகள் ஒத்திவைக்கப்படுவதாக அரசுத் தோ்வுத் துறை அறிவிப்பு வெளியிட்டது.
இந்நிலையில், தமிழகத்தில் பிளஸ் 2 விடைத்தாள் திருத்தும் பணி புதன்கிழமை (மே 27) தொடங்குகிறது. அதன்படி ரணிப்பேட்டை, அரக்கோணம் ஆகிய இரண்டு கல்வி மாவட்டங்களில் 7 மையங்களில் 50 ஆயிரம் விடைத்தாள்களை திருத்தும் பணியில் 600 ஆசிரியா்கள் சமூக இடைவெளியைப் பின்பற்றி ஈடுபட உள்ளனா்.
சுமாா் ஒரு வார காலத்துக்கு நடைபெற உள்ள இப்ணியில் ஈடுபட உள்ள ஆசிரியா்களை அழைத்து வர சிறப்பு அரசுப் பேருந்துகள் ஏற்பாடு செய்யப்பட்டுள்ளதாக மாவட்டக் கல்வி அலுவலா் அருளரசு தெரிவித்தாா்.