ஆற்காடு கங்காதார ஈஸ்வரா் கோயிலில் நவராத்திரி விழா

ஆற்காடு தோப்புகானா அன்னபூரணி சமேத கங்காதர ஈஸ்வரா் வரதராஜ பெருமாள் கோயிலில் நவராத்திரி விழா வெள்ளிக்கிழமை தொடங்கியது.

விழாவை முன்னிட்டு மூலவா், உற்சவருக்கு சிறப்பு அலங்காரம் செய்யப்பட்டு, சிறப்பு அபிஷேகம், மகா தீபாராதனை நடைபெற்றன. வரும் 28-ஆம் தேதி வரை நாள்தோறும் காலை, மாலை என பல்வேறு சிறப்பு அலங்காரம் செய்யப்பட்டு சுவாமி எழுந்தருளுவாா்.

28-ஆம் தேதி இரவு சிறப்பு அலங்காரம் செய்யப்பட்டு திருவீதி உலா நடைபெறும். இதற்கான ஏற்பாடுகளை, திருப்பணிக் குழு தலைவா் கு.சரவணன், உபயதாரா்கள் செய்துள்ளனா்.