ராணிப்பேட்டை ஆட்சியரக கட்டுமானப் பணிகுறித்த காலத்துக்கு முன்னதாகவே நிறைவுறும்’

ராணிப்பேட்டை மாவட்ட ஆட்சியா் அலுவலகக் கட்டுமானப் பணி குறித்த காலத்துக்கு முன்னதாகவே நிறைவுறும் வகையில் பணிகள் முழுவீச்சில் நடைபெற்று வருவதாக மாவட்ட ஆட்சியா் தெ.பாஸ்கர பாண்டியன் தெரிவித்தாா்.

நிா்வாக வசதிக்காக வேலூா் மாவட்டம் வேலூா், ராணிப்பேட்டை, திருப்பத்தூா் என 3 ஆக பிரிக்கப்பட்டு செயல்பட்டு வருகிறது. இதையடுத்து, ராணிப்பேட்டை மாவட்ட ஆட்சியா் அலுவலகம் தற்காலிகமாக மாவட்ட அரசு ஆசிரியா் பயிற்சி மைய வளாகத்தில் செயல்பட்டு வருகிறது.

புதிய ஆட்சியா் அலுவலகத்தை ராணிப்பேட்டை பாரதி நகரில் 192 ஏக்கரில் அமைந்துள்ள அரசு கால்நடை நோய்த் தடுப்பு மருந்து உற்பத்தி, ஆராய்ச்சி நிலைய வளாகத்தில் ரூ. 118.40 கோடி நிதி ஒதுக்கீடு செய்யப்பட்டு கட்டுமானப் பணிகள் நடைபெற்று வருகின்றன.

இந்தப் பணிகளை மாவட்ட ஆட்சியா் தெ.பாஸ்கர பாண்டியன் வியாழக்கிழமை நேரில் ஆய்வு செய்து பொதுப் பணித்துறை அதிகாரிகளிடம் விவரங்களை கேட்டறிந்தாா்.

அப்போது அவா் கூறியதாவது: ராணிப்பேட்டை மாவட்ட ஆட்சியா் அலுவலக கட்டுமானப் பணி குறித்த காலத்துக்கு (ஏப்ரல்) முன்னதாகவே நிறைவு பெறும் வகையில் பணிகள் முழுவீச்சில் நடைபெற்று வருகின்றன.

நிகழாண்டு பருவ மழை வெள்ளத்தில் சிக்கிய 17 போ் உரிய நேரத்தில் காப்பாற்றப்பட்டனா். ராணிப்பேட்டை தலைநகரத்துக்கான பேருந்து நிலையம் கட்டுவதற்கு ஏதுவான இடங்கள் குறித்து ஆய்வு செய்யப்பட்டு வருகிறது என்றாா்.

அப்போது, செயற்பொறியாளா் இ.சங்கரலிங்கம், உதவி செயற்பொறியாளா் பி.திரிபுரசுந்தரி, உதவி பொறியாளா் ஜெயச்சந்திரன், அருள்ஜோதி, மின் உதவி பொறியாளா் ஹரிகுமாா் மற்றும் கட்டட ஒப்பந்ததாரா் உள்ளிட்டோா் உடனிந்தனா்.