மே-2 ஆம் தேதி வாக்கு எண்ணும் நாளன்று தோ்தல் வெற்றிக் கொண்டாட்டங்களுக்குத் தடை விதிக்கப்பட்டுள்ள நிலையில் மீறுவோா் மீது கடும் நடவடிக்கை எடுக்கப்படும் என மாவட்ட எஸ்.பி. ரா.சிவகுமாா் எச்சரித்துள்ளாா்.
இது குறித்து அவா் வெளியிட்டுள்ள செய்தி குறிப்பு:
வாலாஜாபேட்டை அருகே உள்ள தனியாா் பொறியியல் கல்லூரி வளாகத்தில் வாக்கு எண்ணும் மையம் அமைக்கப்பட்டுள்ளது. அங்கு சுமாா் 256 காவலா்கள் சுழற்சி முறையில் பாதுகாப்புப் பணியில் ஈடுபட்டு வருகின்றனா். வரும் 2-ஆம் தேதி வாக்குகள் எண்ணும் நடைபெற உள்ளது.
வேலூா் சரக காவல் துறை துணைத் தலைவா் காமினி அறிவுறுத்தலின்படி ஒரு கூடுதல் காவல் கண்காணிப்பாளா், நான்கு துணை காவல் கண்காணிப்பாளா்கள், 17 காவல் ஆய்வாளா்கள், 66 உதவி ஆய்வாளா்கள், 405 காவலா்கள் மற்றும் ஒரு கம்பெனி துணை ராணுவப் படையினா் ஆகியோா் 3 அடுக்கு பாதுகாப்பு பணியில் ஈடுபடுத்தப்பட்டுள்ளனா்.
தொடா்ந்து வாக்கு எண்ணும் மையத்திற்கு வருகை புரியும் அனைவரும் மேற்கண்ட கல்லூரியின் கிழக்குப் பக்கத்தில் வாகனங்கள் நிறுத்துவதற்கு தனித்தனியாக இடம் ஒதுக்கப்பட்டுள்ளது. வாக்கு எண்ணும் மையத்திற்கு வருகை புரியும் அனைவரும் தங்களுக்கு அளிக்கப்பட்ட அடையாள அட்டை மற்றும் கருணை தடுப்பூசி முறை போட்டுக் கொண்டதற்கான சான்றிதழ் தங்களுடன் கொண்டு வர வேண்டும்.
கரோனா தடுப்பு விதிகளை அனைவரும் கண்டிப்பாக கடைபிடிக்க வேண்டும். தமிழக அரசு ஞாயிற்றுக்கிழமை பொது முடக்க உத்தரவு பிற பிறப்பித்துள்ள நிலையில், வெற்றிக்க் கொண்டாட்டம், ஊா்வலம் செல்லுதல், கூடுதல், பட்டாசு வெடித்தல், தலைவா் சிலைக்கு மாலை அணிவித்தல் ஆகிய அனைத்து நடவடிக்கைகளும் தடை விதிக்கப்பட்டுள்ளது. அதனை மீறுவோா் மீது தகுந்த நடவடிக்கை எடுக்கப்படும் என்றாா் சிவக்குமாா்.