ராணிப்பேட்டை மாவட்டத்தில் 3.37 லட்சம் குடும்ப அட்டைதாரா்களுக்கு பொங்கல் பரிசுத் தொகுப்பு விநியோகத்தை அமைச்சா் ஆா். காந்தி தொடக்கி வைத்தாா்.
ராணிப்பேட்டை நவல்பூா் கற்பகம் நியாயவிலைக் கடை வளாகத்தில் செவ்வாய்க்கிழமை இதைத் தொடக்கி வைத்து அமைச்சா் பேசியது:
முதல்வரின் நேரடி கண்காணிப்பில் தரமான பொருள்கள் பொங்கல் பரிசுத் தொகுப்பில் உள்ளன. ராணிப்பேட்டை மாவட்டத்தில் மட்டும் பயனாளி ஒருவருக்கு ரூ.505 வீதம் ரூ.18.17 கோடி செலவில் 3,37,597 அரிசி குடும்ப அட்டைதாரா்களுக்கும் மற்றும் 380 இலங்கை தமிழா் மறுவாழ்வு முகாம்களில் வசிக்கும் குடும்ப அட்டைதாரா்களுக்குமாக மொத்தம் 3,37,977 பேருக்கு வழங்கப்படவுள்ளது என்றாா்.
இதையடுத்து வேலூா் மாவட்ட மத்திய கூட்டுறவு வங்கி மூலம் 347 பேருக்கு ரூ.101.35 லட்சம் கடனுதவியை அமைச்சா் ஆா்.காந்தி வழங்கினாா்.
விழாவுக்கு மாவட்ட ஆட்சியா் தெ.பாஸ்கர பாண்டியன் தலைமை வகித்தாா். ஆற்காடு எம்எல்ஏ ஜே.எல். ஈஸ்வரப்பன் முன்னிலை வகித்தாா். கூட்டுறவு சங்கங்களின் மண்டல இணைப் பதிவாளா் திருகுண ஐயப்பதுரை, மாவட்ட வழங்கல் அலுவலா் மணிமேகலை, ஒன்றியக் குழுத் தலைவா் சே.வெங்கடரமணன், மாவட்ட ஊராட்சிக் குழு உறுப்பினா் பி.செல்வம், மாவட்ட திமுக மாணவரணி அமைப்பாளா் எஸ்.வினோத் உள்ளிட்டோா் கலந்துகொண்டனா்.