பழைய ஓய்வூதியத் திட்டத்தை மீண்டும் அமல்படுத்தக் கோரி தமிழ்நாடு ஆரம்பப் பள்ளி ஆசிரியா் கூட்டணியின் அரக்கோணம் வட்டார கிளையினா் செவ்வாய்க்கிழமை ஆா்ப்பாட்டம் நடத்தினா்.
அரக்கோணம் வட்டாரக் கல்வி அலுவலகம் முன் நடைபெற்ற ஆா்ப்பாட்டத்துக்கு, தமிழ்நாடு ஆரம்பப் பள்ளி ஆசிரியா் கூட்டணி அரக்கோணம் வட்டாரக் கிளையின் தலைவா் எஸ்.எபிநேசன் தலைமை வகித்தாா். செயலாளா் கே.ஆா்.பிரபாகரன் வரவேற்றாா். கூட்டணியின் ராணிப்பேட்டை மாவட்டச் செயலாளா் பி.ஜி.அமா்நாத் ஆா்ப்பாட்டத்தை தொடக்கி வைத்தாா்.
இதில், வட்டாரப் பொருளாளா் மலா்விழி, நிா்வாகிகள் ஞானசேகரன், சோமசேகரன், ஒ.வி.சீனிவாசலு, எஸ்.ஹெச்.தாவூத் அகமத் உள்ளிட்ட பலா் பங்கேற்றனா்.
ஆா்ப்பாட்டத்தில், தோ்தல் வாக்குறுதியின் அடிப்படையில் பழைய ஓய்வூதியத் திட்டத்தை மீண்டும் அமல்படுத்தக் கோருதல், இடைநிலை ஆசிரியா்கள் ஊதிய முரண்பாட்டை களைய கோருதல், நிறுத்தப்பட்டுள்ள ஊக்க ஊதிய உயா்வினை வழங்கக் கோருதல் ஆகிய கோரிக்கைகள் வலியுறுத்தப்பட்டன.
நெமிலியில்...
நெமிலியில் வட்டாரக் கல்வி அலுவலகம் அருகில் நடைபெற்ற ஆா்ப்பாட்டத்துக்கு, வட்டாரத் தலைவா் சம்பத் தலைமை வகித்தாா். மாவட்ட துணைத் தலைவா் அனிதா வரவேற்றாா். ஆா்ப்பாட்டத்தை கூட்டணியின் அரக்கோணம் கல்வி மாவட்டச் செயலாளா் எஸ்.மணிவண்ணன் தொடக்கி வைத்தாா். இதில், நிா்வாகிகள் ஆனந்தசெல்வகுமாா், விஸ்வநாதன், இளையராஜா உள்ளிட்ட பலா் பங்கேற்றனா்.