ராணிப்பேட்டை மாவட்டத்தின் 4-ஆவது ஆட்சியராக எஸ்.வளா்மதி ஞாயிற்றுக்கிழமை பொறுப்பேற்றுக் கொண்டாா்.
கடந்த 2021-ஆம் ஆண்டு செப்டம்பா் மாதம் ராணிப்பேட்டை மாவட்டத்தின் 3- ஆவது ஆட்சியராகப் பொறுப்பேற்று செயல்பட்டு வந்த தெ.பாஸ்கர பாண்டியன் கடந்த 3-ஆம் தேதி திருப்பத்தூா் மாவட்ட ஆட்சியராக இட மாற்றம் செய்யப்பட்டாா்.
இதையடுத்து சமூகப் பாதுகாப்புத் திட்ட இயக்குநராக இருந்த எஸ்.வளா்மதி ராணிப்பேட்டை மாவட்டத்தின் புதிய ஆட்சியராக நியமித்து கடந்த 3- ஆம் தேதி அரசு உத்தரவிட்டது. தொடா்ந்து ராணிப்பேட்டை மாவட்டத்தின் புதிய ஆட்சியராக எஸ்.வளா்மதி மாவட்ட ஆட்சியா் அலுவலகத்தில் ஞாயிற்றுக்கிழமை முறைப்படி கோப்புகளில் கையொப்பமிட்டு பொறுப்பேற்றுக் கொண்டாா்.
அவருக்கு ராணிப்பேட்டை மாவட்ட முன்னாள் ஆட்சியா் தெ.பாஸ்கர பாண்டியன், மாவட்ட வருவாய் அலுவலா் வ.மீனாட்சி சுந்தரம் மற்றும் வருவாய் கோட்டாட்சியா்கள், வட்டாட்சியா்கள், மாவட்ட ஆட்சியா் அலுவலக அனைத்து துறை அலுவலா்கள் வாழ்த்து தெரிவித்தனா்.
ராணிப்பேட்டை மாவட்ட புதிய ஆட்சியராகப் பொறுப்பேற்று கொண்ட எஸ்.வளா்மதி, சென்னையில் பிறந்து எம்.ஏ., பொது நிா்வாகம், பி.எல்.எம்.பி.ஏ. பட்டம் பெற்றவா். இவா், கடந்த 2003- ஆம் ஆண்டு வேலூா் மாவட்ட துணை ஆட்சியராக பணியில் சோ்ந்து பயிற்சி பெற்று, கடந்த 2005 முதல் 2006 வரை ஒருங்கிணைந்த குழந்தை வளா்ச்சித் திட்ட சென்னை தலைமை அலுவலகத்தில் நிா்வாக அதிகாரியாகவும், தொடா்ந்து திருவண்ணாமலை, தருமபுரி மாவட்ட வருவாய்க் கோட்டாட்சியா், கள்ளக்குறிச்சி மாவட்ட வருவாய் அலுவலா், மாற்றுத்திறனாளிகள் நலத் துறை இணை இயக்குநராகப் பணியில் இருந்து, கடந்த 2016 -ஆம் ஆண்டு இந்திய ஆட்சிப் பணி முதுநிலைப் பட்டியலில் பதவி உயா்வு பெற்றாா்.
தமிழக கூட்டுறவு உணவு, நுகா்வோா் பாதுகாப்புத் துறை துணைச் செயலராகப் பணியாற்றி, இணைச் செயலராகப் பதவி உயா்வு பெற்று சென்னை தலைமைச் செயலகத்தில் சமூகப் பாதுகாப்புத் திட்ட இயக்குநராகப் பணியாற்றி வந்தாா். தற்போது ராணிப்பேட்டை மாவட்ட ஆட்சியராகப் பொறுப்பேற்றாா்.