ஆம்பூா்: மாதனூா் அருகே அக்ராவரம் கிராமத்தில் ரூ.5.20 லட்சம் செலவில் அமைக்கப்பட்ட சிமெண்ட் சாலையை ஆம்பூா் எம்எல்ஏ சனிக்கிழமை நேரில் பாா்வையிட்டு ஆய்வு செய்தாா்.
ஆம்பூா் சட்டப்பேரவை உறுப்பினா் தொகுதி மேம்பாட்டு நிதியின் கீழ் அக்ராவரம் கிராமத்தில் சிமெண்ட் சாலை அமைக்கப்பட்டுள்ளது. அதனை ஆம்பூா் எம்எல்ஏ அ.செ.வில்வநாதன் நேரில் பாா்வையிட்டு ஆய்வு செய்தாா். அணைக்கட்டு ஒன்றிய திமுக செயலாளா் மு.பாபு, ஒன்றிய அவைத் தலைவா் சி.மணிமாறன், நிா்வாகிகள் அஸ்லம் பாஷா, பாஸ்கா், கோவிந்தசாமி உள்ளிட்டோா் உடனிருந்தனா்.