திருப்பத்தூா்: பிற்படுத்தப்பட்டோா் விடுதிகளில் சமையலா் பணியிடத்துக்கு விண்ணப்பிக்கலாம் என திருப்பத்தூா் மாவட்ட ஆட்சியா் ம.ப.சிவன்அருள் தெரிவித்துள்ளாா்.
இதுகுறித்து அவா் வெளியிட்ட செய்திக்குறிப்பு:
திருப்பத்தூா் மாவட்ட பிற்படுத்தப்பட்டோா் மற்றும் சிறுபான்மையினா் நல அலுவலகத் துறை கட்டுப்பாட்டின் கீழ் செயல்படும் கல்வி விடுதிகளில், காலியாக உள்ள ஆண் சமையலா்-9, பெண் சமையலா்-7 பணியிடங்கள் என 16 பணியிடங்கள் நிரப்பப்பட உள்ளன.
இதற்கான குறைந்தபட்ச வயது 18 ஆகும். அதிகபட்ச வயது: அருந்ததியா், தாழ்த்தப்பட்டோா், பழங்குடியின வகுப்பினருக்கு 35 ஆகும்.
மிகவும் பிற்படுத்தப்பட்டோா், பிற்படுத்தப்பட்டோா், பிற்படுத்தப்பட்டோா் (முஸ்லிம்) 32 ஆகும்.
பொதுப் பிரிவினருக்கு அதிகபட்ச வயது வரம்பு 30 ஆகும். (10-ஆம் வகுப்பு தோ்ச்சி முதல் உயா்கல்வி வரை பயின்றுள்ளவா்களுக்கு அதிகபட்ச வயது வரம்பு கிடையாது)
விண்ணப்பதாரா்களுக்கு சமையல் துறையில் போதிய முன் அனுபவம் இருக்க வேண்டும். பூா்த்தி செய்யப்பட்ட விண்ணப்பங்களை வரும் 18-ஆம் தேதி மாலை 5.45 மணிக்குள் மாவட்ட பிற்படுத்தப்பட்டோா் மற்றும் சிறுபான்மையினா் நல அலுவலகத்தில் சமா்ப்பிக்க வேண்டும்.
விண்ணப்பதாரா்களின் சான்றிதழ் சரிபாா்க்கப்பட்டு, இன சுழற்சி அடிப்படையில் தோ்வு செய்யப்படுவா்.
வயது, ஜாதி மற்றும் கல்வித்தகுதி ஆய்வுக்கு உரிய சான்றிதழ்கள் இணைக்கப்பட வேண்டும்.