திருப்பத்தூா் மாவட்டத்தில் திருமணம், அரசியல் அல்லாத விழாக்களுக்கு மட்டும் மண்டபங்களை அனுமதிக்கலாம் என ஆட்சியா் ம.ப.சிவன்அருள் தெரிவித்துள்ளாா்.
இதுதொடா்பாக அவா் வெளியிட்டுள்ள செய்திக்குறிப்பு:
திருப்பத்தூா் மாவட்டத்தில் திருமண மண்டபங்களை திருமணம் மற்றும் இதர அரசியல் அல்லாத விழாக்களுக்கு மட்டும் வாடகைக்கு அனுமதிக்கலாம். திருமண மண்டபங்களை தனி நபா்களுக்கோ, அன்னதானம் செய்யவோ, பொதுக்கூட்டங்கள் நடத்திட எக்காரணம் கொண்டும் அனுமதிக்கக் கூடாது.
திருமண மண்டபங்களை வாடகைக்கு அளிக்கும் முன்னா் சம்பந்தப்பட்ட சட்டப்பேரவைத் தொகுதியின் தோ்தல் நடத்தும் அலுவலரின அனுமதி ஆணை பெற்ற பின்னரே வழங்க வேண்டும்.
வாணியம்பாடி சட்டப்பேரவைத் தோ்தல் அலுவலா் கா.காயத்ரி சுப்பிரமணியம் அலுவலக எண்: 04174-234488, செல்லிடப்பேசி: 75980 00418, ஆம்பூா் அலுவலா் கே.விஜயா அலுவலக தொலைபேசி எண்: 04174-244255, செல்லிடப்பேசி: 94432 03564, ஜோலாா்பேட்டை அலுவலா் ஆா்.லட்சுமி அலுவலக எண்: 04179-242499, செல்லிடப்பேசி: 98428 62424, திருப்பத்தூா் அலுவலா் வந்தனா கா்க் அலுவலக எண்: 04179-220088, செல்லிடப்பேசி: 94450 00418 ஆகியோரை இந்த எண்களில் தொடா்பு கொள்ளலாம்.
திருப்பத்தூா் மாவட்டத்தில் தோ்தல் நடத்தை விதிகளின்படி நகராட்சி, பேரூராட்சி பகுதிகளில் பொது இடங்களில், தனியாா் நிலங்களில் சுவரொட்டி ஒட்டவோ, சுவா் விளம்பரம் எழுதவோ அனுமதி கிடையாது.
கிராமப்புறங்களில் தனியாா் கட்டடங்களில் தோ்தல் விளம்பரம் செய்வதற்கு சம்பந்தப்பட்ட உரிமையாளரின் அனுமதியைப் பெற வேண்டும்.
மாவட்டத்தில் உள்ள உரிமம் பெற்றுள்ள அனைத்து துப்பாக்கி உரிமையாளா்களும் அவா்களின் படைக்கலன்களை தாங்கள் வசிக்கும் காவல் சரக எல்லைக்குள்பட்ட காவல் நிலையங்களில் உடனடியாக ஒப்படைக்க வேண்டும்.