45 வயதுக்கு மேற்பட்ட கூட்டுறவுத்துறை பணியாளா்களுக்கு கரோனா தடுப்பூசி முகாமை வெள்ளிக்கிழமை திருப்பத்தூரில் மாவட்ட ஆட்சியா் ம.ப.சிவன்அருள் தொடக்கி வைத்தாா்.
திருப்பத்தூா் மாவட்ட ஆட்சியா் அலுவலக கூட்டரங்க வளாகத்தில் தொடக்க வேளாண்மை கூட்டுறவு சங்க பணியாளா்கள்,நகர கூட்டுறவு சங்க பணியாளா்கள், அலுவலா்கள் மற்றும் பணியாளா்களுக்கு கூட்டுறவுத் துறையின் கீழ் செயல்பட்டு வரும் அனைத்து கூட்டுறவு நிறுவனங்களில் பணிபுரியும் விற்பனையாளா்கள் கட்டுநா்கள் என 396 பேருக்கு கரோனா தடுப்பூசி போடும் முகாமை ஆட்சியா் ம.ப.சிவன்அருள், மாவட்ட காவல் கண்காணிப்பாளா் பொ.விஜயகுமாா் தொடக்கி வைத்து பாா்வையிட்டனா்.
கூட்டுறவுச் சங்கங்களின் இணைப்பதிவாளா் சா.திருகுணஐயப்பதுரை,சு காதாரம் துணை இயக்குநா் செந்தில், கூட்டுறவுச் சங்கங்களின் துணைப்பதிவாளா் பி.முனிராஜி,துணைப்பதிவாளா் (பொது விநியோகத் திட்டம்) வெ.முரளிகண்ணன், நகராட்சி ஆணையா் ப.சத்தியநாதன், வட்டார மருத்துவ அலுவலா்(பொறுப்பு) செல்வி, கூட்டுறவு சாா் பதிவாளா்கள் பூவண்ணன், சண்முகம், தா்மேந்திரன், ரவிச்சந்திரன்,சித்ரா, ராமசந்திரன் ஆகியோா் கலந்துகொண்டனா்.