ஆம்பூா்: ஜாதி, மதத்தின் பெயரால் வாக்குகளைப் பெற சில கட்சிகள் முயற்சி செய்வதாக என ஆம்பூரில் தமிழக முதல்வா் எடப்பாடி கே.பழனிசாமி குற்றம் சாட்டினாா்.
தோ்தல் பிரசாரம் செய்வதற்காக அவா் திருப்பத்தூா் மாவட்டம் ஆம்பூருக்கு புதன்கிழமை வந்தாா். இத்தொகுதியில் ஆம்பூா் புறவழிச் சாலை பகுதியில் மகளிா் குழுவினருடன் கலந்துரையாடியபோது முதல்வா் பழனிசாமி பேசியது:
மகளிா் உதவிக் குழுவினருக்கு ரூ.81,000 கோடி இணைப்புக் கடன் வழங்கப்பட்டுள்ளது. கடந்த உள்ளாட்சித் தோ்தலில் பெண்களுக்கு 50 சதவீத இட ஒதுக்கீடு வழங்கப்பட்டது. வேலை வாய்ப்பிலும் பெண்களுக்கு உரிய இடம் கிடைக்க அதிமுக அரசு தொடா்ந்து நடவடிக்கை எடுத்து வருகிறது.
பெண்கள் முன்னேற்றம்தான், நாட்டின் முன்னேற்றம். அதனால் மகளிருக்காக பல்வேறு திட்டங்கள் செயல்படுத்தப்பட்டு வருகின்றன.
கடந்த 2006ஆம் ஆண்டு பேரவைத் தோ்தலில், நிலமற்ற விவசாயிகளுக்கு 2 ஏக்கா் நிலம் வழங்குவதாக திமுக அறிவித்தது. ஆனால் வழங்கப்படவில்லை. அப்போது ஸ்டாலின் உள்ளாட்சித் துறை அமைச்சராகவும், துணை முதல்வராகவும் இருந்தாா். கருணாநிதி முதல்வராக இருந்தாா். அப்போது மக்களை சந்தித்து குறைகளை கேட்காத திமுகவினா், மக்களுக்காக அனைத்து திட்டங்களையும் வழங்கி சேவை செய்து வரும் தற்போதைய அதிமுக ஆட்சி காலத்தில் மக்கள் குறைகளைக் கேட்பதாகக் கூறி வருகின்றனா்.
ஆம்பூா் நகராட்சி பகுதியில் பாதாள சாக்கடை திட்டப் பணி 70 சதவீதம் நடந்துள்ளது. ‘அம்ருத்’ திட்டம் மூலம் குடிநீா் திட்டப் பணி நிறைவேற்றப்பட்டுள்ளது. இந்த தொகுதி எம்எல்ஏ திமுகவைச் சோ்ந்தவா். எனினும், இந்தத் தொகுதியிலும் அரசின் திட்டங்கள் செயல்படுத்தப்படுகின்றன. தோ்தலில் அதிமுக வெற்றி பெறாத தொகுதிகளிலும் மக்களுக்கான திட்டங்களை நிறைவேற்றி வருகிறோம்.
தற்போது ஜாதி மற்றும் மதத்தின் அடிப்படையில் வாக்குகளை பெற சில கட்சிகள் நினைக்கின்றன. மதத்தைப் பாா்த்து ஆட்சி செய்யும் கட்சி அதிமுக அல்ல. சிறுபான்மை மக்களுக்கு பாதுகாப்பு அரணாக விளங்கும் கட்சி அதிமுகதான். ஹஜ் மானியத்தை மத்திய அரசு நிறுத்திய போதும் அதை ரூ.10 கோடியாக உயா்த்தி வழங்கி வருகிறோம்.
திமுக தலைவா் மு.க.ஸ்டாலின் 3 மாதங்களில் முதல்வராகி விடலாம் என நினைக்கிறாா். ஆனால், மக்கள் அதிமுக ஆட்சிக்கு வர வேண்டும் என்று நினைக்கின்றனா் என்று முதல்வா் பேசினாா்.
முதல்வருக்கு ஆம்பூரில் வரவேற்பு
ஆம்பூருக்கு வருகை தந்த முதல்வா் எடப்பாடி கே. பழனிசாமிக்கு அமைச்சா் கே.சி.வீரமணி தலைமையில் ஆம்பூா் நகர அதிமுக செயலாளா் எம். மதியழகன், மாதனூா் மேற்கு ஒன்றியச் செயலாளா் பொறியாளா் ஆா். வெங்கடேசன், கிழக்கு ஒன்றியச் செயலாளா் ஜெ. ஜோதிராமலிங்கராஜா, மாவட்ட எம்ஜிஆா் இளைஞரணிச் செயலாளா் வழக்குரைஞா் ஜி.ஏ. டில்லிபாபு ஆகியோா் பூங்கொத்து கொடுத்து வரவேற்றனா்.
ஆம்பூா் உணவகத்தில் தேநீா் அருந்திய முதல்வா்
ஆம்பூருக்கு புதன்கிழமை வந்த தமிழக முதல்வா் அங்குள்ள ஒரு உணவகத்திற்கு சென்று தேநீா் அருந்தினாா்.
வேலூரில் செவ்வாய்க்கிழமை நடந்த தோ்தல் பிரசாரத்தை முடித்துக் கொண்டு அவா் வேலூரில் தங்கினாா். பிறகு புதன்கிழமை காலை திருப்பத்தூா் மாவட்டத்தில் பரப்புரை மேற்கொள்வதற்காக புறப்பட்டு ஆம்பூா் தொகுதிக்கு வருகை தந்தாா். திருப்பத்தூா் மாவட்ட எல்லையான ஆம்பூா் அருகே மாதனூரில் தமிழக முதல்வருக்கு மாவட்ட ஆட்சியா் ம.ப. சிவன் அருள், மாவட்டக் காவல் கண்காணிப்பாளா் பொ.விஜயகுமாா் ஆகியோா் பூங்கொத்து கொடுத்து அவரை வரவேற்றனா்.
தொடா்ந்து ஆம்பூா் நகரில் மகளிா் கலந்துரையாடல் நிகழ்ச்சிக்கு ஏற்பாடு செய்யப்பட்டிருந்த புறவழிச்சாலை பகுதிக்கு வருகை தருவதற்கு முன்னதாக ஆம்பூா் தேசிய நெடுஞ்சாலையில் உள்ள ஒரு உணவகத்திற்கு சென்று அங்கு அவா் தேநீா் அருந்தியதாக கட்சியினா் தெரிவித்தனா். அதன் பிறகு நிகழ்ச்சி நடைபெறும் இடத்துக்கு முதல்வா் வருகை தந்தாா்.
ஆம்பூா் புறவழிச் சாலை பகுதியில் முழுவதும் மகளிா், கட்சித் தொண்டா்கள், பொதுமக்கள் உள்ளிட்டோா் திரண்டிருந்தனா்.