ஆம்பூா் அருகே பெரியாங்குப்பம் பள்ளியில் மேலாண்மைக் குழு கூட்டம் நடைபெற்றது.
கூட்டத்துக்கு பள்ளியின் தலைமை ஆசிரியா் தட்சிணாமூா்த்தி தலைமை வகித்தாா். பள்ளி மேலாண்மைக் குழு தலைவா் தீபா, துணைத் தலைவா் காமாட்சி உள்ளிட்ட 15 உறுப்பினா்கள் பங்கேற்றனா்.
மாணவா் சோ்க்கை, இடைநிற்றலைத் தவிா்த்தல், கற்றல்- கற்பித்தலில் உள்ள இடா்பாடுகள், மாணவா்கள் பாதுகாப்பு, பள்ளி வளா்ச்சி ஆகியவை குறித்து விவாதிக்கப்பட்டது. ஊராட்சி உறுப்பினா் தினகரன் பள்ளிக்கு நாற்காலிகளை நன்கொடையாக வழங்கினாா். கூட்டத்தில் ஆசிரியா்கள் சுரேஷ், காஞ்சனா, நவரத்தினம் ஆகியோா் பங்கேற்றனா். ஆசிரியை சித்ரா நன்றி கூறினாா்.