வாணியம்பாடியில் போலீஸாா் நடத்திய அதிரடி சோதனையில் சாராய வியாபாரிகள் 5 போ் கைது செய்யப்பட்டனா். ஒருவா் நீதிமன்றத்தில் சரண் அடைந்தாா்.
வாணியம்பாடியை ஒட்டியுள்ள நேதாஜிநகா் பகுதியில் திங்கள்கிழமை ஒரு வீட்டில் அறையில் இருந்த சாராய பாக்கெட் மூட்டைகளை பொது மக்கள் பறிமுதல் செய்து போலீஸாரிடம் ஒப்படைத்தனா். மேலும் நேதாஜிநகா் மற்றும் சுற்றுப்புறப்பகுதிகளில் சாராய விற்பனையை முழுமையாக ஒழிக்கவும், சாராய வியாபாரிகளை கைது செய்து நடவடிக்கை எடுக்க வேண்டும் என்று தாலுகா மற்றும் மது விலக்கு அமல் பிரிவு காவல்நிலையத்தில் பொது மக்கள் புகாா் செய்திருந்தனா்.
இந்நிலையில் எஸ்பி பாலகிருஷ்ணன் உத்தரவின் பேரில வாணியம்பாடி டிஎஸ்பி சுரேஷ்பாண்டியன் தலைமையில் காவல்ஆய்வாளா்கள் பழனிமுத்து, தமிழரசி மற்றும் தாலுகா, மதுவிலக்கு அமல் பிரிவு போலீசாா் செவ்வாய்கிழமை காலை முதல் நேதாஜிநகா் மற்றும் சுற்றுபுற கிராம பகுதிகளில் சாராய விற்பனை தடுப்பு ரோந்து பணியில் தீவிரமாக ஈடுபட்டனா். அப்போது பிரபல சாராய வியாபாரி மகேஸ்வரியின் கூட்டாளிகளான மகேந்திரன்(23), பழனி(59), சீரஞ்சிவி(29), எலி சரவணன்(26), செல்வி(26) ஆகிய 5 பேரை கைது செய்தனா். அவா்களிடமிருந்து கள்ளச் சாராயத்தை கைப்பற்றினா். மேலும் நவீன்(37) என்பவா் வாணியம்பாடி நீதிமன்றத்தில் சரணடைந்தாா். இதுகுறித்து வாணியம்பாடி தாலுகா போலீஸாா் வழக்குப் பதிவு செய்து மேலும் தலைமறைவாக உள்ள சாராய வியாபாரிகளை தேடி வருகின்றனா்.