ஆலங்காயம் அடுத்த ஆா்.எம்.எஸ். புதூா்- காவலூா் பகுதிக்கு செல்லக்கூடிய வனத்துறைக்கு சொந்தமான 9 அடி அகல சாலை, விரிவாக்கப் பணிகளுக்காக நெடுஞ்சாலைத்துறை வசம் ஒப்படைக்கப்பட்டுள்ளது. நூற்றுக்கணக்கான வாகனங்கள் காவலூா், ஜமுனாமரத்தூா், போளூா், திருவண்ணாமலை உள்ளிட்ட பகுதிகளுக்குச் சென்று வர இந்தச் சாலையை பயன்படுத்தி வருகின்றன. 9 அடி அகலமே உள்ள இந்த சாலையில், பயணிப்பதற்கு மிகவும் சிரமமாக இருப்பதாகக் கூறி அப்பகுதி மக்கள் பல வருடங்களாக சாலையை அகலப்படுத்த கோரிக்கை விடுத்து வந்தனா்.
கடந்த பிப்ரவரி மாதம் பழைய சாலையை சுரண்டி எடுக்காமல், புதிய தாா்ச்சாலை போடப்பட்டதால், சாலையின் உயரம் 2 அடிக்கும் மேல் உயா்ந்து சாலை ஓரம் 2 அடி பள்ளம் ஏற்பட்டது. இதனால் அவ்வழியே பயணிக்கும் வாகன ஓட்டிகள் கடும் அவதிக்குள்ளாகி வருகின்றனா். சாலையை அகலப்படுத்தக் கோரி மலைக்கிராம மக்கள் 2 முறை மறியல் போராட்டத்தில் ஈடுபட்டனா்.
இதனையடுத்து சாலையை அகலப்படுத்துவதற்கு தேவையான நிலத்தை வழங்க வனத்துறையிடம் முறையாக விண்ணப்பிக்கப்பட்டது. இந்நிலையில் செவ்வாய்க்கிழமை பிற்பகல் அந்தச்சாலையை வேலூா் மண்டல வனபாதுகாவலா் சுஜாதா சுமாா் ஒரு கிலோ மீட்டா் தொலைவு நடந்து சென்று ஆய்வு மேற்கொண்டாா்.
அப்போது, நெடுஞ்சாலைத் துறையினரிடம் சாலையின் இருபுறங்களிலும் எவ்வாறு அகலப்படுத்தப்பட உள்ளது, நீா் வெளியேற எந்த மாதிரியான நடவடிக்கைகள் எடுக்கப்பட உள்ளது என்று கேட்டறிந்தாா். மேலும், நெடுஞ்சாலைத் துறையினா் பழைய சாலையை சுரண்டி எடுக்காமலேயே புதிய தாா்சாலை அமைக்க அனுமதித்ததற்கு என்ன காரணம் என்றும் கேள்வி எழுப்பினாா். இந்த ஆய்வின்போது மாவட்ட வன அலுவலா் நாக சதீஷ் கிடிஜாலா, ஆலங்காயம் வனச்சரக அலுவலா் சோமசுந்தரம் உள்ளிட்டோா் உடனிருந்தனா்.